काठमाडौं । आर्थिक वर्ष २०७९/ ८० को असार महिनासम्ममा १० वटा जीवन बीमा कम्पनीले ३ अर्ब २१ करोड ८८ लाख रुपैयाँ वैदेशिक रोजगार बीमाशुल्क आर्जन गरेका छन् । यी कम्पनीहरुले कूल १६ लाख २९ हजार ५७५ वटा बीमालेख बिक्री गरी उक्त बीमाशुल्क आर्जन गरेका हुन् ।
त्यस्तै, कम्पनीहरुले असार महिनामा मात्रै २४ करोड ९६ लाख रुपैयाँ कूल बीमाशुल्क आर्जन गर्न सफल भएका छन् । यी कम्पनीले ५४ हजार ७५१ वटा बीमालेख बिक्री गरेका थिए । जीवन बीमा कम्पनीहरुले असार मसान्तसम्ममा १ खर्ब ४२ अर्ब रुपैयाँमाथि कुल बीमाशुल्क आर्जन गरेका छन् ।
असार मसान्तसम्ममा वैदेशिक रोजगारी बीमालेख मार्फत नेशनल लाइफले ३५ हजार ४६ वटा बीमालेख बिक्री गरी १४ करोड ७२ लाख रुपैयाँ कुल बीमाशुल्क आर्जन गरेको छ । नेपाल लाइफले २ लाख १७ हजार ८९२ वटा बीमालेख बिक्री गरी ४७ करोड ५० लाख रुपैयाँ कुल बीमाशुल्क आर्जन गरेको छ ।
त्यस्तै, एशियन लाइफले ७ हजार १७४ वटा बीमालेख बिक्री गरी १ करोड ९२ लाख रुपैयाँ बीमाशुल्क आर्जन गरेको छ । आइएमई लाइफले १ लाख ९ हजार ६३५ वटा बीमालेख बिक्री गरी ४३ करोड ६६ लाख रुपैयाँ कुल बीमाशुल्क आर्जन गरेको छ । सन नेपाल लाइफले ७ लाख ४६ हजार ९२५ वटा बीमालेख बिक्री गरी १अर्ब ८ करोड १ लाख रुपैयाँ बीमाशुल्क आर्जन गरेको छ ।
त्यसैगरी रिलायबल नेपाल लाइफले ४१ हजार ८४२ वटा बीमालेख बिक्री गरी १९ करोड १५ लाख रुपैयाँ बीमाशुल्क आर्जन गरेको छ । सिटिजन लाइफले १ लाख २६ हजार ८२८ वटा बीमालेख बिक्री गरी १९ करोड ९० लाख रुपैयाँ बीमा शुल्क आर्जन गरेको छ । प्रभु लाइफले ४ हजार ९०४ वटा बीमालेख बिक्री गरी २ करोड ३४ लाख रुपैयाँ बीमाशुल्क आर्जन गरेको छ ।
सूर्यज्योति लाइफले २ लाख ७६ हजार ८३० वटा बीमालेख बिक्री गरी ३९ करोड १० लाख रुपैयाँ बीमा शुल्क आर्जन गरेको छ । सानिमा रिलायन्स लाइफले ६२ हजार ४९९ वटा बीमा पोलिसी विक्री गरी २५ करोड ५३ लाख रुपैयाँ बीमाशुल्क आर्जन गरेको छ ।
बीमा प्राधिकरणका अनुसार इजाजत प्राप्त १४ जीवन बीमकमध्ये १० वटाले मात्र वैदेशिक राेजगार बीमालेख बिक्री गरिरहेका छन् । मेट लाइफ, राष्ट्रिय बीमा संस्थान, हिमालयन लाइफ, एलआइसी नेपाल र ले वैदेशिक राेजगार बीमालेख बिक्री गरेका छैनन् ।
