काठमाडौं । आर्थिक वर्ष २०७९ /८० को असार मसान्तसम्ममा जीवन बीमा कम्पनीहरुले ३१ अर्बमाथि प्रथम बीमा शुल्क आर्जन गरेका छन् । यस अवधिसम्ममा जीवन बीमा कम्पनीहरुले १ खर्ब ४२ अर्ब ३० करोड ७४ लाख रुपैयाँ कुल बीम शुल्क आर्जन गर्दा ३१ अर्ब १९ करोड ९१ लाख रुपैयाँ प्रथम बीमा शुल्क आर्जन गरेका हुन् ।
यस अवधिसम्ममा सबैभन्दा धेरै नेपाल लाइफले प्रथम बीमा शुल्क आर्जन गरेको छ । कम्पनीले ६ अर्ब ५७ करोड ११ लाख रुपैयाँ प्रथम बीमा शुल्क आर्जन गरेको छ । दोस्रोमा नेशनल लाइफ रहेको छ । कम्पनीले यस अवधिसम्ममा ३ अर्ब ८७ करोड ७२ लाख रुपैयाँ प्रथम बीमा शुल्क आर्जन गरेको छ । सूर्यज्योति लाइफले २ अर्ब ७२ करोड रुपैयाँ प्रथम बीमा शुल्क आर्जन गरेको छ । एलआइसी नेपालले २ अर्ब ३८ करोड रुपैयाँ प्रथम बीमा शुल्क आर्जन गरेको छ ।
त्यसैगरी यस अवधिसम्ममा हिमालयन लाइफले २ अर्ब २९ करोड, सिटिजन लाइफले १ अर्ब ९२ करोड, सानिमा रिलायन्स लाइफले १ अर्ब ८५ करोड, सन नेपाल लाइफले १ अर्ब ७४ करोड, एशियन लाइफले १ अर्ब ५४ करोड, रिलायबल नेपाल लाइफले १ अर्ब ५० करोड, आइएमई लाइफले १ अर्ब ४३ करोड रुपैयाँ प्रथम बीमा शुल्क आर्जन गरेका छन् ।
त्यस्तै, मेट लाइफले १ अर्ब २४ करोड, राष्ट्रिय बीमा संस्थानले ९५ करोड ३० लाख, प्रभु लाइफले ६३ करोड ५८ लाख र महालक्ष्मी लाइफले ५० करोड ४३ लाख रुपैयाँ प्रथम बीमा शुल्क आर्जन गरेका छन् ।
