पाँचथर पावरको विद्युत उत्पादन बन्द

काठमाडौं । पाँचथर पावर कम्पनी लिमिटेडले सञ्चालन गरी रहेको हेवा खोला ए जलविद्यतु आयोजनामा बाढीबाट क्षति भएको कारण विद्युत उत्पादन बन्द भएको छ । कम्पनीद्धारा सञ्चालित १४.९ मेगावाट क्षमताको हेवा खोला ए जलविद्यतु आयोजनामा जडित दुबै मेशिनमा असार २ गते रातिको बढीले क्षति पुगेको जनाएको छ । बाढीबाट आयोजनाको सिभिल संरचनाहरु हेडवर्कस, एक्सेस रोड, स्विचयार्ड तथा पावरहाउस समेत डुवानमा परी क्षति भएकोले तत्काल विद्युत उत्पादन बन्द रहेको कम्पनीले जनाएको छ ।