काठमाडौं । बजेट भाषणपश्चात् करको विवादपछि निकै ठूलो गिरावट आएको बजारमा करको विवादमा लगानीकर्ता र अर्थमन्त्रालयबीच सहमति भएसँगै बजारले लय समातेको छ । नेप्से परिसूचक लगातार ८ कारोबार दिन बढेको छ । प्रणालीमा तरलता वृद्धिको प्रभाव पनि शेयर बजारमा परेको देखिन्छ ।
पछिल्लो समय बजार जेठ २२ गते घटेको थियो भने त्यसपछि निरन्तर ८ दिन बढेको हो । जेठ २२ गते १९०१ दशमलव ९९ मा बन्द भएको बजार जेठ ३२ मा २०४२ दशमलव ०७ विन्दुमा बन्द भएको छ । यो ८ कारोबार दिनको वृद्धिमा बिपिडब्लु लघुवित्तको शेयर मूल्य सर्वाधिक वृद्धि भएको छ । जेठ २२ गते ४२७ दशमलव ४० रुपैयाँ रहेको बजार मूल्य जेठ ३२ मा ६०९ दशमलव ६० रुपैयाँ पुगेको छ । कम्पनीको बजार मूल्य ४२ दशमलव ६३ प्रतिशतले वृद्धि भएको छ ।
त्यस्तै दोश्रोमा सोल्टी होटलको शेयर मूल्य सर्वाधिक वृद्धि भएको छ । जेठ २२ गते ३२० रुपैयाँ रहेको बजार मूल्य जेठ ३२ मा ४०७ रुपैयाँ पुगेको छ । कम्पनीको बजार मूल्य २७ दशमलव १९ प्रतिशतले वृद्धि भएको छ । त्यस्तै तेश्रोमा सानिमा जिआईसीको शेयर मूल्य सर्वाधिक वृद्धि भएको छ । जेठ २२ गते ४६३ दशमलव ९० रुपैयाँ रहेको बजार मूल्य जेठ ३२ मा ५८८ रुपैयाँ पुगेको छ । कम्पनीको बजार मूल्य २६ दशमलव ७५ प्रतिशतले वृद्धि भएको छ ।
