काठमाडौं । मिर्मिरे लघुवित्त वित्तीय संस्था लिमिटेडले शेयरधनीको हितग्राही खातामा बोनश शेयर जम्मा भएको छ । कम्पनीको गत पुस ३० गते सम्पन्न छैटौं वार्षिक साधारण सभाबाट पारित २३ बोनश शेयर धितोपत्र दोस्रो बजारमा सूचिकृत भएपछि सम्बन्धित शेयरधनीहरूको हितग्राही खातामा जम्मा भएको हो ।
भौतिक रूपमा शेयर धारण गरेका शेयरधनीहरूले कम्पनीको शेयर अभौतिकीकरण गराएपछि मात्रै हितग्राही खातामा बोनस शेयर जम्मा हुनेछ । कम्पनकिो शेयर रजिष्ट्रारमा नेपाल एसबिआई मर्चेण्ट बैंकिङ लिमिटेड रहेको छ ।
त्यस्तै, आशा लघुवित्त वित्तीय संस्था लिमिटेडले यस वर्षको १४ दशमलव २८ प्रतिशत बोनश शेयर वितरण गरेको छ । कम्पनीको गत चैत ११ गते सम्पन्न छैटौं वार्षिक साधारण सभाबाट पारित उक्त बोनस शेयर धितोपत्र दोस्रो बजारमा सूचिकृत भएपछि सम्बन्धित शेयरधनीहरूको हितग्राही खातामा जम्मा गरेको हो ।
यस वर्ष कम्पनीले साधारण सभाबाट नै बोनशसँगै कर प्रयोजनका लागि शून्य दशमलव ७१ प्रतिशत नगद लाभांशसमेत वितरण गर्ने प्रस्ताव पारित गरेको थियो । यसर्थ बोनश शेयरका लागि सम्बन्धित शेयरधनीहरूले कर तिर्नुपर्ने छैन ।
कम्पनीले लाभांश प्रयोजनका लागि फागुन २६ गते एक दिन बुक क्लोज गरेको थियो । यसका आधारमा फागुन २५ गतेसम्म कायम शेयरधनीहरूले मात्र कम्पनीको लाभांश प्राप्त गरेका छन् । फागुन २५ गतेसम्म धितो बन्धक राखी कर्जा लिएका सदस्यहरूको बोनश शेयर सम्बन्धित बैंक तथा वित्तीय संस्थाबाट फुकुवापत्र प्राप्त भएपछि मात्रै हितग्राही खातामा जम्मा गरिने जानकारी कम्पनीले दिएको छ । कम्पनीको शेयर रजिष्ट्रारमा प्रभु क्यापिटल लिमिटेड रहेको छ ।
