काठमाडौं । नेपाल उद्योग बाणिज्य महासंघको पूँजी बजार फोरमको सभापतिमा शैलेन्द्र गुरागाईलाई मनोनयन गरिएको छ । महासंघका अध्यक्ष ढकालले गुरागाईलाई पूँजी बजार फोरमको सभापतिमा मनोनयन गरेका हुन् ।
महासंघको बैशाख ३ गते बसेको पहिलो कार्यकारिणी समितिको बैठकले अध्यक्षलाई अख्तियारी प्रदान गरे अनुसार विधानको दफा ३८(ग) बमोजिम समापतिमा मनोनयन गरेका हुन् । महासंघको छवि तथा प्रतिष्ठालाई अझ बढि शशक्त रुपमा अगाडी बढाउन गुरागाईलाई अनुरोध गरिएको छ ।
उनको सभापतित्वमा गठित समितिबाट प्रभावकारी रुपमा कार्य हुने अपेक्षा सहित समितिबाट भएका गतिविधि एवं कार्यबारे अर्थ वार्षिक रुपमा पुनरावलोकन गरी मूल्यांकन गर्ने व्यवस्था रहेको महासंघले जनाएको छ ।
यस भन्दा अगाडी पूँजी बजार फोरमको सभापतिमा अम्बिका प्रसाद पौडेल थिए । यस फोरमका १४ जनाको कार्यसमिति रहने व्यवस्था छ । अव उनको सभापतित्वमा अन्य सदश्यहरुको पनि मनोनित हुनेछ । गुरागाई स्वतन्त्र उर्जा उत्पादकहरुको संस्था इपानका पुर्व अध्यक्ष हुन् ।
