IME Life

सामाजिक सुरक्षा कोषको बीमा योजना, योगदानकर्तासँग ५ अर्ब प्रिमियम उठाएर ७८ करोडको दाबी भुक्तानी

SPIL
Sanima Reliance
GBIME

काठमाडौं । सामाजिक सुरक्षा कोष आफैले बीमा कम्पनीहरुले दिने सुविधा प्रदान गर्दै आइरहेको छ । योगदानकर्ताहरु सँग प्रिमियम संकलन गरेर सुरक्षा प्रदान गर्ने गरेको छ । कोषले औषधि उपचार, स्वास्थ्य तथा मातृत्व सुरक्षा योजना, दुर्घटना र अशक्तता सुरक्षा योजना र आश्रीत परिवार सुरक्षा योजना सञ्चालन गर्दै आएको छ ।

कोषले यस्तो योजना मार्फत हालसम्म योगदानकर्ता सँग ५ अर्ब १४ करोड रुपैयाँ प्रिमियम संकलन गरिसकेको छ । प्रिमियम संकलन सँगै कोषले हालसम्म योगदानकर्तालाई ९८ करोड ३० लाख रुपैयाँको दाबी भुक्तानी गरेको छ । चालु आर्थिक वर्षमा कोषले सबै योजनामा अहिलेसम्मकै सर्वाधिक रकम संकलन गरिसकेको छ ।

Crest

कोषले बीमा योजनाको जोखिम हस्तान्तरणको कुनै पनि व्यवस्था गरेको छैन । यदि भोलि ठुलै महामारी तथा प्राकृतिक प्रकोप भयो भने कोषलाई व्यवस्थापन गर्न धेरै गाह्रो पर्नेछ । कोषलाई स्वास्थ्य बीमाको लागि पुनर्बीमा गराउन धेरै सुझाव पनि नआएको होइन । तर पुनर्बीमा गराउदा योगदानकर्ताले राम्रो सुविधा नपाउने कोषका सह प्रवक्ता रोहित रेग्मीको भनाइ छ । कोष आफैमा जोखिम व्यवस्थापक भएको हुँदा आफ्नो जोखिम हस्तान्तरण गर्ने संयन्त्र बनाउन सकेको छैन । सामान्य अवस्थामा कोषको रणनीतिले काम गरे पनि ठुला ठुला दुर्घटनामा कोष नै दुर्घटनामा पर्न सक्ने कुरालाई पनि हेर्नु पर्छ । सञ्चालनको तीन वर्षको अवधिमा कोषलाई ४ अर्ब १६ करोड मुनाफा देखिन्छ । यदि आफैले यस्तो जोखिम व्यवस्थापन गर्ने हो भने दीर्घकालिन रुपमा कोष निर्माण गर्दै लैजानु पर्छ ।

‍औषधि उपचार, स्वास्थ्य तथा मातृत्व सुरक्षा योजना

कोषको सुरुवात भएको वर्षमा योगदानकर्ताबाट ५ करोड २१ लाख रुपैयाँ संकलन गरेको थियो । यहि वर्ष कोषले योगदानकर्तालाई ४४ लाख ४६ हजार रुपैयाँ दाबी भुक्तानी गरेको थियो । त्यस्तै  २०७८ असार मसान्तसम्ममा कोषले योगदानकर्ता सँग २१ करोड ९५ लाख रुपैयाँ संकलन गरेर ४ करोड ४२ लाख रुपैयाँ दाबी भुक्तानी गर्यो । २०७९ असारसम्ममा योगदानकर्ता सँग ७३ करोड ३० लाख संकलन गरी २३ करोड ७६ लाख रुपैयाँको दाबी भुक्तानी गर्यो । चालु आर्थिक वर्षको हालसम्ममा योगदानकर्ता सँग ९८ करोड ७६ लाख रुपैयाँ संकलन गरी ४९ करोड ३७ लाख रुपैयाँ दाबी भुक्तानी गरेको छ ।

कोषले यस वर्षदेखि क्यासलेस औषधि उपचारको व्यवस्था गरेको छ । कोषले सूचिकृत गरेको अस्पतालमा जादा योगदानकर्ताले आफ्नो कार्डदेखाएर २० प्रतिशत रकम भुक्तानी गरि बाँकी ८० प्रतिशत दाबी बापतको सुविधा तत्काल लिन पाउने छन् । यसले गर्दा पनि कोषमा योगदानकर्ताको आकर्षण थप बढेको छ । कोषले विस्तारै नेपालमा सम्पुर्ण अस्पताललाई सूचिकृत गर्ने योजना बनाएको छ । केहि दिनभित्रमा निर्भिक अस्पतालमा पनि यो सुविधा पाउने कोषले जनाएको छ ।

दुर्घटना र अशक्तता सुरक्षा योजना

कोषले २०७७ मा योगदानकर्ता सँग दुर्घटना र अशक्तता सुरक्षा योजना बापत ७ करोड २९ लाख रुपैयाँ संकलन गरेकोमा चालु आर्थिक वर्षको हालसम्ममा एक अर्ब ३८ करोड रुपैयाँ संकलन गरिसकेको छ । हालसम्ममा भने २ अर्ब ६४ करोड रुपैयाँ संकलन गरिसकेको छ । योगदानकर्तालाई २०७७ मा एक लाख ६८ हजार रुपैयाँमा दाबी भुक्तानी गरेकोमा चालु आर्थिक वर्षको हालसम्ममा ५ करोड ९१ लाख रुपैयाँ दाबी भुक्तानी गरेको छ । कोषले हालसम्म ८ करोड ६६ लाख रुपैयाँ दाबी भुक्तानी गरेको छ ।

आश्रीत परिवार सुरक्षा योजना

कोषले यस योजनाका लागि पहिलो वर्ष योगदानकर्ता सँग एक करोड ४० लाख रुपैयाँ संकलन गरेकोमा चालु आर्थिक वर्षमा २६ करोड ६६ लाख रुपैयाँ संकलन गरिसकेको छ । हालसम्म कोषले ५१ करोड ८ लाख रुपैयाँ संकलन गरिसकेको छ । त्यस्तै पहिलो वर्ष यस योजनामा ८ लाख ४७ हजार रुपैयाँ दाबी भुक्तानी गरेकोमा चालु आर्थिक वर्षको अहिलेसम्ममा ७ करोड ३१ लाख रुपैयाँ दाबी भुक्तानी गरेको छ । स्थापनाकालदेखि हालसम्म कोष ५१ करोड ८ लाख रुपैयाँ प्रिमियम संकलन गरी ११ करोड ६४ लाख रुपैयाँ दाबी भुक्तानी गरेको छ ।

सामाजिक सुरक्षा कोषमा आधारभुत पारिश्रमिकको रोजगारदाताबाट २० प्रतिशत र कर्मचारीबाट ११ प्रतिशत सहित ३१ प्रतिशत रकम जम्मा गर्नु पर्छ । यस बाहेक कर्मचारीले स्वेच्छिक रुपमा थप गरेको रकम अवकास पश्चात प्राप्त गर्न सकिन्छ । कर्मचारीले कोषमा बुझाएको ३१ प्रतिशत रकम मध्ये २.६७ प्रतिशत रकम सुरक्षा योजनाका लागि छुट्ट्याइन्छ । जुन रकम भविष्यमा फिर्ता पाइदैन । कर्मचारीबाट संकलन गरिएको २.६७ प्रतिशत रकम पनि औषधि उपचार, स्वास्थ्य तथा मातृत्व सुरक्षा योजनाका लागि एक प्रतिशत, दुर्घटना तथा अशक्तता सुबिधा योजनाका लागि १.४ प्रतिशत र आश्रित परिवार सुविधा योजनाका लागि ०.२७ प्रतिशत रकम बाँडफाँड गरिएको हुन्छ ।

कोषले हरेक वर्ष एक्चुरी मार्फत यसको मूल्याङ्कन गर्ने गरेको छ । एक्चुरीको पछिल्लो प्रतिवेदन अनुसार कर्मचारी सँग संकलन गरिएको आश्रित परिवार सुविधा अन्तर्गतको योजना निकट भविष्यमै घाटामा जाने प्रक्षेपण गरिसकेको छ । यस समुमा छुट्ट्याइएको रकमले यस अन्तर्गतको दाबी भुक्तानी गर्न नपुग्ने एक्चुरीको आकलन छ ।

सामाजिक सुरक्षा कोषले कर्मचारी सँग संकलन गरेको यहि २.६७ प्रतिशत रकमबाटै यस योजनालाई व्यवस्थापन गर्ने योजना बनाएको छ । यदि यो योजना घाटामा गयो भने औषधि उपचार तथा दुर्घटना तथा अशक्तता सुबिधा योजनाबाट तान्ने रणनीति बनाएको छ । तर आश्रित परिवार सुबिधा योजनाकै लागि छुट्टै रकम संकलन नगरिने कोषले जनाएको छ ।

कर्मचारी सँग संकलन गरेको ३१ प्रतिशत रकम मध्ये २० प्रतिशत रकम निवृत्तीभर सुविधा अन्तर्गत अवकास सँग सँगै एकमुष्ठ रुपमा प्राप्त गर्न सकिन्छ । कर्मचारीले योगदान गरेको ८.३३ प्रतिशत रकम भने ६० वर्ष पश्चात पेन्सनको रुपमा प्राप्त गर्न सकिनेछ । योगदानकर्ताले आजीवन पेन्सनको रुपमा यस्तो रकम प्राप्त गर्न सक्ने छन् ।

औषधी उपचार तथा स्वास्थ्य सुविधाको सिमा तथा शर्तहरु

वार्षिक एक लाखसम्मको औषधी उपचार : यस अन्तर्गत कम्तिमा तीन महिना नियमित योगदान गरेको योदानकर्ता र निजको दम्पत्तीलाई ओपिडी ट्रिटमेन्टको वार्षिक २० हजारसम्मको शोधभर्ना पाइनेछ ।

कम्तिमा तीन महिना नियमित योगदान गरेको योगदानकर्ता र निजको दम्पत्तीलाई आइपिडी ट्रिटमेन्ट को वार्षिक ८० हजारसम्मको शोधभर्ताको सुविधा पाइनेछ ।

२ वर्ष योगदान गरेको योगदानकर्तालाई घातक रोग लागेमा १० लाखसम्म उपचार खर्चको शोधभर्ना हुनेछ । डाक्टरको सल्लाहमा बसेको ७९ दिनसम्म बिरामी विदा बापत निजको आधारभुत पारिश्रमिकको ६० प्रतिशतको दरले भुक्तानी पाइनेछ । यस योजना अन्तर्गतको औषधी उपचार कोषबाट ८० प्रतिशत र योगदानकर्ताबाट २० प्रतिशत व्यहोरिने व्यवस्था रहेको छ ।

मातृत्व सुरक्षा सुविधाको सिमा तथा शर्तहरु

कम्तिमा तीन महिना नियमित योगदान गरेको योगदानकर्ता वा निजको दम्पतीलाई एक लाख रुपैयाँसम्मको मातृत्व सम्बन्धी उपचारको शोधभर्नाको सुविधा पाइन्छ । त्यस्तै न्युनतम पारिश्रमिक बराबर शिशु स्याहार खर्च पाइन्छ । महिला योगदानकर्तालाई ३८ दिनसम्मको सुत्केरी विदा बापतको आधारभुत पारिश्रमिकको ६० प्रतिशतको दरले भुक्तानी पाइन्छ । २४ हप्ता भन्दा बढी समयको गर्भपतनलाई समेत मातृत्व सरह शुविधा प्रदान हुने व्यवस्था छ ।

दुर्घटना तथा अशक्तता सुरक्षा योजना सुविधाको सिमा तथा शर्तहरु

योगदान प्रारम्भ गरेको मितिबाटै कामको सिलसिलामा हुने दुर्घटनाको उपचारको सम्पुर्ण खर्चको शोधभर्ना पाइनेछ । योगदान प्रारम्भ गरेको मितिबाटै अन्य दुर्घटनाको उपचारको ७ लाखसम्म शोधभर्नाको सुविधा पाइनेछ । योगदान शुरु गरेको २ वर्ष पुगेको योगदानकर्ताको व्यवसायजन्य रोगको उपचारको सम्पुर्ण खर्चको शोधभर्ना पाइने कोषले जनाएको छ । कामको सिलसिलामा हुने दुर्घटना वा व्यवसायजन्य रोगले अस्थाई पुर्ण असक्षम भएमा काममा नफर्केसम्म आधारभुत पारिश्रमिकको ६० प्रतिशत वरावरको रकम प्राप्त गर्न सकिनेछ ।

कामको सिलसिलामा हुने दुर्घटना वा व्यवसायजन्य रोगको कारणबाट स्थाई रुपमा अशक्त भएमा अशक्तताको अनुपातमा आधारभुत पारिश्रमिकको ६० प्रतिशतसम्म आजिवन असक्षमता पेन्सन पाइनेछ । कोषले तोकेको अस्पताल मार्फत उपचार गराउनु पर्नेछ । अन्यत्र उपचार गराईरहेको भएमा ७ दिन भित्र कोषका जानकारी गराउनु पर्नेछ ।

16770539378364_औपचारिक क्षेत्र सामाजिक सुरक्षा योजना

 

इन्स्योरेन्स खबरको मोबाइल एप्स सार्वजनिक, यस्ता छन् सुविधा काठमाडौं।‌ इन्स्योरेन्स खबर डटकमले पाठकको सुविधाको लागि मोबाइल एप्स पनि सार्वजनिक गरेको छ। इन्स्योरेन्स‌ खबर एप्स एन्ड्रोइड फोनका लागि  गुगल...

प्रतिक्रिया दिनुहोस्

यो खबर पढेर तपाईंलाई कस्तो महसुस भयो ?

0%

खुसी

20%

दु :खी

20%

अचम्मित

0%

उत्साहित

60%

आक्रोशित

Vianet

सम्बन्धित समाचार

Insurance Khabar Mobile App Android and IOS