काठमाण्डाै । कमजाेर आर्थिक अवस्था भएका व्यक्तिकाे ठूलाे बीमांककाे जीवन बीमा गरिदिंदा मधेश प्रदेशकाे सप्तरीमा एक यूवकले अनाहकमै ज्यान गुमाएका छन् । दैनिक ज्यालादारी गरेर छाक टार्ने बाध्यता रहेकाे सप्तरीकाे कञ्चनपुर नगरपालिका ३ दास टाेलका ३७ वर्षिय यूवक शिवशंकर दासकाे हत्या पाँच महिना पहिले उनकै श्रीमतिले गरेकाे घटना प्रकाशमा आएकाे हाे ।
जिल्ला प्रहरी कार्यालय सप्तरीका अनुसार भाउजुसँग लिएकाे ऋण चुक्ता गर्नका लागी दासकी श्रीमति काैशिला देवीले भाउजु शान्ति देवीसँग मिलेर शिवशंकरलाई मदिराकाे नशामा रहेका बेला करेन्ट लगाएर हत्या गरिदिएकाे जानकारी पत्रकार सम्मेलनमार्फत् गराएकाे छ।
गत कात्तिक ५ गते शिवशंकरलाई मदिरा खुवाए पछि भाउजु नाता पर्ने शान्ति देवी र बुहारी नाता पर्ने हिरण देवीकाे सहयाेगमा काैशिलाले घरभित्रै करेन्ट लगाएर हत्या गरेकी थिइन् । प्रहरीका अनुसार पतिकाे मृत्यु भएपछि प्रहरीलाई खबर गरेकी थिइन् । प्रारम्भिक घटनास्थल मुचुल्काबाट दासकाे शिवशंकरकाे मृत्यु सामान्य देखिएकाले प्रहरीले थप अनुसन्धान गर्न आवश्यक ठानेकाे थिएन । बीमाकाे दाबीका सम्बन्धमा जानकारी आएपछि प्रहरीले मृत्यु शंकास्पद भएकाे हुनसक्ने अनुमान सहित थप अनुसन्धान गर्दा हत्या भएकाे पाँच महिनापछि बल्ल वास्तविकता प्रकाशमा आएकाे हाे ।
