काठमाडौं । बैंकहरुले यहि चैत एक गतेदेखि एक प्रतिशतले कर्जाको व्याजदर एक प्रतिशतले घटाउने भएका छन् । बैंकर्स संघले यहि चैत एक गतेदेखि एक प्रतिशतले व्याजदर घटाउने भद्र सहमति गरेको छ । हाल लागू ब्याजदरमा साधारण बचतको ०.४ प्रतिशतले र कर्जाको प्रिमियममा १ प्रतिशतले घटाउने निर्णय गरेको हो ।
संघले यहि चैत एक गतेदेखि वाणिज्य बैंकहरुले साधारण बचतमा न्यूनतम ६ प्रतिशतदेखि अधिकतम ८ प्रतिशतसम्म ब्याज दिन पउने छन् । यसअघिसम्म संघले साधारण बचतमा न्यूनतम ६.४२ प्रतिशतदेखि अधिकतम ८.४२ प्रतिशतसम्म ब्याजदर दिने सहमति गरेको थियो । आगामी चैतमा पनि वाणिज्य बैंकहरुले मुद्दति निक्षेपमा ११.४१ प्रतिशत ब्याज दिनेछन् ।
ब्याजदरको सहमतिमा संघले कर्जाको ब्याजदर समेत घटाउने निर्णय गरेको छ । संघले प्रिमियमदर घटाउँदै कर्जाको ब्याजदर घटाउने निर्णय गरेको हो । हालसम्म वाणिज्य बैंकहरुले अधिकतम ६ प्रतिशतसम्म प्रिमियम लिने सहमति गरेका थिए । जसलाई १ प्रतिशतले घटाएर चैत १ गतेदेखि बेसरेटमा अधिकतम ५ प्रतिशत प्रिमियम जोडेर कर्जाको ब्याजदर निर्धारण गर्न पाउनेछन् ।
बैंक तथा वित्तीय संस्थाको कर्जाको व्याजदर उच्च भएको भन्दै चौतर्फी विरोध हुँदै आएको छ । चौतर्फी विरोध पछि बैंकहरु व्याजदर घटाउने अवस्थामा आइपुगेका हुन् ।
