काठमाडौं । नेरुडे लघुवित्त वित्तीय संस्था र मिर्मिरे लघुवित्त वित्तीय संस्थाले मर्जरको सहमतिपत्रमा हस्ताक्षर गरेका छन् । दुई संस्थाविचमा हिजो पुस ११ गते अपरान्ह ४ बजे विराटनगरमा आयोजित संयुक्त कार्यक्रममा सहमतिपत्रमा हस्ताक्षर गरेका हुन् ।
सहमतिपत्रमा हस्ताक्षर सँगै दुई संस्थाविच एक आपसमा गाभ्ने गाभिने तथा प्राप्ति सम्बन्धी निर्देशिका २०७९ को दफा तीन एक अनुसार आधारभुत शेयरधनीको कारोबार रोक्का भएको हो । नेरुडेको केन्द्रिय कार्यालय मोरङ जिल्ला विराटनगर महानगरपालिका वडा नम्बर तीनमा केन्द्रिय कार्यालय रहेको छ भने मिर्मिरे लघुवित्तको केन्द्रिय कार्यालय काभ्रेपलाञ्चोक जिल्ला बनेपा नगरपालिकामा रहेको छ ।
नेरुडेको चुक्ता पूँजी ६० करोड रुपैयाँ छ । त्यस्तै मिर्मिरेको चुक्ता पूँजी ५३ करोड १२ लाख रुपैयाँ छ । यदि बराबरी हैसियतमा मर्जर भएमा चुक्ता पूँजी एक अर्ब १३ करोड पुग्नेछ । हाल दोस्रो बजारमा नेरुडेको शेयर मूल्य ८८० रुपैयाँ छ भने मिर्मिरेको ९५४ रुपैयाँ छ ।
मिर्मिरेले गत आर्थिक वर्षको मुनाफाबाट २३ प्रतिशत बोनस शेयर घोषणा गरेको छ । त्यस्तै नेरुडेले पनि २२ प्रतिशत बोनस शेयर घोषणा गरेको छ ।
1672115615674
