Prabhu Life Ad Final

नेपाल लाइफ सर्वाधिक ठूलो रोजगारदाता, एशियन दोश्रो स्थानमा हुँदा यूनियन तेश्रो ,कुन कम्पनीमा कति आबद्ध ?

IME

काठमाडौं । पछिल्लो समय जीवन बीमा कम्पनीहरुले आफ्नो शाखा संजाल विस्तार गर्दै आएका छन् । बीमा कम्पनीहरु सहरमा मात्र सिमित नभई देशको दुरदराजसम्म शाखा विस्तार गरी बीमा सेवा प्रदान गर्दै आएको अवस्था छ । शाखा संजाल विस्तार गर्ने क्रमसँगै कम्पनीहरु जनशक्ति बृद्धिमा पनि उत्तिकै अग्रसर रहेका छन् । यसैक्रममा जीवन बीमा कम्पनीहरुले हाल २२ सय ९८ वटा शाखा कार्यालयहरु संचालनमा गरी ६ हजार १ सय ७४ जनालाई प्रत्यक्ष रोजगार दिइरहेका छन् ।

बीमा समितिको तथ्याङक अनुसार सर्वाधिक धेरै रोजगारदाता बीमकको रुपमा नेपाल लाइफ इन्स्योरेन्स कम्पनी रहेको छ । हाल कम्पनीको १९० वटा शाखा कार्यालय विस्तार भएका छन् । जहाँ ६८४ जना जनशक्तिले प्रत्यक्ष रोजगार पाएका छन् ।

NLIC

बीमा समितिले प्रकाशन गरेको २०७९ असोज मसान्तसम्मको तथ्यांक अनुसार देशभर १५२ शाखा रहेको एशियन लाइफ इन्स्योरेन्स कम्पनी कूल ४३६ जना जनशक्ति सहित दोश्रो ठूलो रोजगारदाता जीवन बीमकको रुपमा रहेको छ । त्यस्तै, २०४ वटा शाखा कार्यालय विस्तार गरेको यूनियन लाइफ इन्स्योरेन्स कम्पनीले ४२९ जनालाई रोजगारी प्रदान गरी तेस्रो ठुलो रोजगारदाता जीवन बीमकको रुपमा स्थापित भएको छ ।

त्यस्तै, नेशनल लाइफले ११६ वटा शाखा तथा उप शाखा कार्यालय विस्तार गरी ३९८ जनलाई रोजगारी प्रदान गरेको छ । सूर्या लाइफ इन्स्योरेन्स कम्पनीले १४९ वटा शाखा कार्यालय विस्तार गरी ३९३ जना कर्मचारीलाई रोजगारी दिएको छ । ज्योति लाइफले १३० वटा शाखा कार्यालय विस्तार गरेर ३८५ जनालाई प्रत्यक्ष रुपमा रोजगार दिएको छ । सन नेपाल लाइफले १९१ वटा शाखा कार्यालय खोलेर ३७१ जनालाई जागिर दिएको छ । सिटिजन लाइफले १४१ वटा शाखा विस्तार गरेको छ । जहाँ ३५२ जनाले प्रत्यक्ष रुपमा रोजगार पाएका छन् ।

त्यस्तै, रिलायबल नेपाल लाइफले ३४३ जनालाई रोजागारी दिएको छ । जसको ८२ वटा शाखा कार्यालय छन् । प्राइम लाइफले ३३७ जना जनशक्तिलाई रोजगार दिएको छ भने जसको १५५ वटा शाखा कार्यालय छन् । १ सय वटा शाखा संजाल रहेको प्रभु लाइफले २९५ जनालाई रोजगारी प्रदान गरेको छ । सानिमा लाइफले २७८ जनालाई रोजगार दिएको छ । जसको ११८ वटा शाखा कार्यालय संचालनमा रहेका छन् । आइएमई लाइफले २७० जनालाई रोजगारी प्रदान गरेको छ । जसको १४९ वटा शाखा कार्यालय विस्तार छन् ।

त्यसैगरी रिलायन्स लाइफले २५१ जनालाई रोजगारी प्रदान गरेको छ । जसको १२२ वटा शाखा कार्यालय छन् । एलआइसी नेपालमा २३८ जना कर्मचारी रहेका छन् । जसको ७८ वटा शाखा कार्यालय छन् । ९४ वटा शाखा संजाल विस्तार गरेको गुराँस लाइफले २३२ जनालाई रोजगार प्रदान गरेको छ । महालक्ष्मी लाइफले २०१ जनालाई रोजगारी दिएको छ । जसको ६७ वटा शाखा छन् । मेट लाइफको ३५ वटा शाखा छन् । जहाँ १७७ जनालाई रोजगारी दिएको छ । २४ वटा शाखा कार्यालय भएको राष्ट्रिय बीमा संस्थानले १०४ जनालाई रोजगारी दिएको छ ।

नेपाल लाईफमा अमित कयालको गैर कानूनी रुपमा एकै पटक तीन तह बढुवा, प्राधिकरण बनिरहन्छ रमिते काठमाडौं । पछिल्लो समय जीवन बीमा कम्पनीहरुले आफ्नो शाखा संजाल विस्तार गर्दै आएका छन् । बीमा कम्पनीहरु सहरमा मात्र सिमित...

यो खबर पढेर तपाईलाई कस्तो महसुस भयो ?

53%

खुसी

7%

दुःखी

13%

अचम्मित

13%

उत्साहित

13%

आक्रोशित

प्रतिक्रिया दिनुहोस्

ADBL

सम्बन्धित समाचार

Insurance Khabar Mobile App
x