काठमाडौं । नेपाल क्रेडिट एण्ड कमर्स (एनसीसी) बैंकले यस वर्षको नगद लाभांश वितरण शुरु गरेको छ । बैंकले यही मंसिर ६ गतेदेखि नगद लाभांश वितरण शुरु गरेको हो ।
बैंकको मंसिर २ गते सम्पन्न २५ औं वार्षिक साधारण सभाले गत आर्थिक वर्ष ०७८/७९ को सञ्चित मुनाफाबाट ११ प्रतिशत लाभांश वितरणको प्रस्ताव पारित गरेको थियो ।
बैंकले ३ दशमलव ३६ प्रतिशत बोनश शेयर र करसमेत ७ दशमलव ६३ प्रतिशत नगद लाभांश वितरणको प्रस्ताव पारित गरेको हो । बैंकले साधारण सभा र लाभांश प्रयोजनका लागि कात्तिक १५ गते एक दिन बुक क्लोज गरेको थियो । यसर्थ असोज ११ गतेभन्दा अघिल्लो दिनसम्म नेप्सेमा कारोबार भई नियमानुसार बैंकको शेयर रजिष्ट्रार सनराइज क्यापिटलमा कात्तिक १५ गतेसम्म शेयर दर्ता किताबमा कायम शेयरधनीहरू मात्र लाभांश प्राप्त गर्न योग्य भएका छन् ।
सम्बन्धित शेयरधनीहरूको हितग्राही खातामा उल्लेख बैंक खातामै नगद लाभांश जम्मा गरिएको बैंकले जानकारी दिएको छ । नगद लाभांश बैंक खातामै जम्मा गर्ने व्यवस्था रहेकाले हालसम्म आफ्नो हितग्राही खातामा बैंक खाता अद्यावधिक नगराएका सदस्यहरूलाई यथाशीघ्र गराई लाभांश प्राप्त गर्न बैंकले आग्रह गरेको छ ।
