काठमाडौं । नागरिक लगानी कोषको मुनाफा १४.२८ प्रतिशतले बढेको छ । कोषले गत आर्थिक वर्षमा ८८ करोड ७८ लाख रुपैयाँ मुनाफा आर्जन गरेको छ । अघिल्लो आर्थिक वर्षमा ७७ करोड ६८ लाख रुपैयाँ थियो ।
कोषले गत वर्ष २२ करोड रुपैयाँ व्याज आम्दानी गर्दा सेवा शुल्क तथा कमिसन बापत एक अर्ब २६ करोड रुपैयाँ आर्जन गरेको छ । यो आम्दानी गत वर्षको भन्दा बढि हो । त्यस्तै विभिन्न कम्पनीमा लगानी गरेर कम्पनीले ४२ लाख २३ हजार रुपैयाँ आम्दानी गरेको छ । कुल खर्च २८ करोड रुपैयाँबाट ३३ करोड १९ लाख रुपैयाँ पुगेको छ । व्यवस्थापन खर्च २६ करोड ९६ लाख रुपैयाँ रहेको छ ।
चुक्ता पूँजी तीन अर्ब २७ करोड रुपैयाँ रहेको छ भने जगेडा कोषमा एक अर्ब २६ करोड रुपैयाँ जम्मा भएको छ । गत वर्षको मुनाफाका आधारमा प्रतिशेयर आम्दानी २७ रुपैयाँ छ । नागरिक लगानीकोष सँग २ खर्ब ४७ अर्ब रुपैयाँको कोष रहेको छ ।
