काठमाडौँ । नेप्सेमा अहिले फरक प्रकारको ट्रेण्ड देखिएको छ । बजारमा लगानीकर्ता भन्दा कारोवारीहरु हावी हुन थालेको देखिएको छ, फलस्वरूप लगानीकर्ताहरु उतारचढाव धेरै हुने क्षेत्र तर्फ आकर्षित भएका छन् भने आधारभूत पाटोलाई कम हेर्न थालिएको छ । अनलाइन प्रविधि, युवा लगानीकर्ताको आक्रामक प्रवेशले गर्दा बजार कारोवारीमय भएको छ ।
अहिले ठूलो पुँजी भएको वाणिज्य बैंक क्षेत्रको शेयर मूल्य भने खासै वृद्धि हुन सकेन । कति पय वाणिज्य बैंकहरुको शेयर मूल्य नेप्से ११०० हुने बेला भन्दा पनि कम रहेको छ।
अहिले नेप्सेमा सबै भन्दा सस्तो कम्पनीको सूची हेर्दा शिर्ष ६ कम्पनीहरु वाणिज्य बैंक रहेका छन् । नेप्सेमा कारोवार हुने कम्पनी मध्ये आजको दिनमा सिटिजन्स बैंकको शेयर मूल्य सबै भन्दा सस्तो छ । कम्पनीको शेयर मूल्य २०४ रुपैया रहेको छ भने दोश्रोमा लक्ष्मी बैंकको शेयर मूल्य २०५ रुपैयाँ रहेको छ। तेश्रोमा एनसीसी बैंकको शेयर मूल्य २०७ रुपैयाँ ५० पैसा हुँदा चौथोमा कुमारी बैंकको शेयर मूल्य २०९ रुपैयाँ छ । पाँचौमा सनराइज बैंकको शेयर मूल्य २०९ रुपैयाँ ९० पैसा हुँदा ६ नम्बरमा प्रभु बैंकको शेयर मूल्य २१२ रुपैँया छ । सातै नम्बरको सस्तो कम्पनीमा भने दश रुपैयाँ अंकित मुल्य भएको सोल्टी होटल हुँदा आठौ नम्बरको सस्तो कम्पनी एचआईडिसीएल छ ।
सबै भन्दा सस्तो मूल्य भएका ६ कम्पनीमा ६ वाणिज्य बैंक भए पनि यी कम्पनीहरु आधारभूत रुपमा बलियो नै रहेका छन् । उनीहरूको गत आर्थिक वर्षको चौथो त्रैमासको वित्तिय विवरण हेर्दा आकर्षक नै देखिन्छ ।
त्यस्तै सबै बैंकको प्रति शेयर नेट्वर्थ अंकित मूल्य ( एक सय ) भन्दा माथि नै छ भने सबै बैंकहरु नाफा मै छन् ।
तर, नेप्सेमा हाल कारोवारी हावी हुँदा आधारभुत रुपमा निकै कमजोर कम्पनीहरुको शेयर मूल्य माथि रहेको छ । प्रति शेयर नेट्वर्थ अंकित मूल्य भन्दा धेरै तल भएका, धेरै वर्षसम्म लाभांश दिने सम्भावना नभएका र निरन्तर नोक्सानीमा गएर जगेडा कोष रित्तीदै गएका कम्पनीहरु बजारमा धेरै माथि हुनुले कुनै दिन जोखिम निम्तिने सम्भावना पनि त्यति धेरै नै हुन्छ ।
शेयर बजारका जानकार अनुसार २०७२ सालमा वाणिज्य बैंकको चुक्ता पुँजी वृद्धिको असर अहिलेसम्म देखिएको छ ।२०७२ साल बाट वाणिज्य बैंकहरु निरन्तर पुँजी वृद्धिमा केन्द्रित हुँदा अधिक शेयर सप्लाई बजारमा आउनु पुग्यो। जसको कारण शेयर मूल्यले गति लिन सकेन । अब भने नेपाल राष्ट्र बैंकले कुनै प्रकारको लाभांश दिन रोक लगाएको छैन । अब भने पहिलाको जस्तो शेयर सप्लाई नआउने देखिन्छ । गत वर्षको मौद्रिक नीति मार्फत नगद लाभांश दिन कडाइ गरिएको थियो भने अहिले सो कडाईलाई हटाईएको छ।
सबै भन्दा थोरै बजार मूल्य भएका शिर्ष २० कम्पनीको सूची :
