काठमाडौं । राष्ट्रिय स्तरका बाणिज्य बैंकहरुले असार महिनाका लागि पनि पुरानै व्याजदरलाई निरन्तरता दिएका छन् । असार महिनाका लागि बैंकहरुले आजसम्ममा व्याजदर तय गरिसक्नु पर्छ । नेपाल बैंकर्स संघको भद्र सहमति अनुरुप नै बैंकहरुले असार महिनामा व्याजदर नबढाएका हुन् ।
बैंकहरुले असार महिनामापनि साधारण मुद्दती निक्षेपमा अधिकतम ११.०३ प्रतिशत, संस्थागतलाज्ञ १०.०३ प्रतिशत र रेमिट्यान्सलाई १२.०३ प्रतिशत व्याजदर दिएका छन् । जेठ महिनामा पनि यहि व्याजदर दिदै छन् । बैंकअनुसार व्याजदरमा केहि घटि बढि रहेको छ ।
नेपाल राष्ट्र बैंकको निर्देशन अनुसार बैंकहरुले मुद्दती निक्षेपको तुलनामा साधारण निक्षेप विचमा ५ प्रतिशत भन्दा माथिको फरक हुनुहुदैन । व्याजदर भने आधार व्याजदरका आधारमा निर्धारण हुन्छ । आधार व्याजदर बैंकहरु पिच्छे फरक भएकाले कर्जाको व्याजदरमा पनि फरक फरक छ ।
