झापा । आइएमई लाइफ इन्स्योरेन्स कधम्पनीले झापामा १० लाख १३ हजार रुपैयाँ बराबरको मृत्यु दाबी भुक्तानी गरेको छ । कम्पनीले बुद्धशान्ति ५ स्थित बीमित महेन्द्र पौडेलको परिवारलाई मृत्यु दाबी भुक्तानी गरेको हो ।
कम्पनीका एक नम्बर प्रदेश प्रमुख मिलन दाहाल, बिर्तामोड शाखाका प्रमुख महेन्द्र तिम्सिना, बुद्धशान्ति गाउँपालिका, वडा नं. ५ का वडाध्यक्ष वासुदेव खतिवडा र वडा नं. ६ का वडाध्यक्ष शम्भु पौडेलले संयुक्त रूपमा बीमितकी श्रीमती लीलामाया पौडेललाई उक्त रकम बराबरको चेक हस्तान्तरण गरेका हुन् ।
३९ वर्षीय बिमित महेन्द्र पौडेलले बिर्तामोड शाखाबाट २०७७ असोजमा १० लाखको बिमा पोलिसी खरिद गरेका थिए । गत साउन ५ गते उनको कोरोनाका कारण निधन भएको थियो ।
चेक हस्तान्तरण कार्यक्रममा बिर्तामोड शाखा प्रमुख महेन्द्र तिम्सिनाले बीमा झन्झटिलो छ, यसले मानिसलाई झुलाउँछ भन्ने सोचाइ गलत रहेको बताउँदै बीमा महत्वपुर्ण छ त्यसकारण सबैले बीमा गर्नुपर्ने धारण व्यक्त गरे ।
कम्पनीका प्रदेश प्रमुख मिलन दाहालले आइएमई लाइफ दाबी भुक्तानीका सन्दर्भमा नेपालमै अग्र स्थानमा रहेको बताए । कम्पनीले आजसम्म कुनै पनि बिमितको दाबी भुक्तानी नअड्काएको उनको धारण थियो ।
कार्यक्रममा वडा नं. ६ का अध्यक्ष शम्भु पौडेलले आइएमई लाइफले यस क्षेत्रमा सराहनीय कार्य गरेको धारणा अघि सारे । घरमूलीको निधनले शोकमा परेको परिवारलाई दाबी भुक्तानीले राहत मिल्ने उनले बताए ।
कार्यक्रमको वडा नं. ५ का अध्यक्ष वासुदेव खतिवडाले बीमा झन्झटिलो नभएको र सजिलै भुक्तानी हुने उनले स्पष्ट पारे ।
बिमित पौडेलको घरमा आयोजित कार्यक्रममा कम्पनीका चिफ एजेनसी म्यानेजर नगेन्द्र श्रेष्ठ, हरिकुमार खनाल, सिनियर एजेन्सी म्यानेजर हरि कुमार पुरीलगायत स्थानीय समाजसेवीहरूको उपस्थिति रहेको थियो ।
