काठमाडौं । रिलायबल नेपाल लाइफ इन्स्योरेन्स कम्पनीले बीमा क्षेत्रमै पहिलो पटक प्रिमियम सहित प्राथमिक शेयर निष्काशन गर्ने भएको छ । कम्पनीले ११२ रुपैयाँ प्रिमियम सहित २१२ रुपैयाँमा प्राथमिक शेयर निष्काशन गर्ने भएको हो ।
रिलायबलले प्रिमियम सहित प्रति कित्ता २१२ रुपैयाँमा प्राथमिक शेयर निष्काशनका लागि नेपाल धितोपत्र बोर्डमा निवेदन दिएको छ । कम्पनीले आफ्नो नेटवर्थको दुई गुणामा प्राथमिक शेयर जारी गर्ने भएको हो । कम्पनीको नेटवर्थ १०६ रुपैयाँ रहेको छ । कम्पनीले प्रति कित्ता २१२ रुपैयाँको दरले एक अर्ब २७ करोड २० लाख रुपैयाँ बराबरको ६० लाख कित्ता प्राथमिक शेयर निष्काशन गर्ने भएको छ ।
प्राथमिक शेयर निष्काशन तथा बिक्री प्रवन्धक सिभिल क्यापिटल मार्केट रहेको छ । हालसम्म कुनै पनि बीमा कम्पनीहरुले प्रिमियममा प्राथमिक शेयर निष्काशन गरेका छैनन् । तर रिलायबलले पहिलो पटक यस्तो अभ्यास गरेको हो । रिलायबल सहित अन्य बीमा कम्पनीहरुले पनि प्रिमियमा प्राथमिक शेयर निष्काशनको तयारी गरिरहेका छन् ।
प्राथमिक शेयर निष्काशनक पछि कम्पनीको चुक्ता पूँजी २ अर्ब रुपैयाँ पुग्नुका साथै जगेडा कोषमा पनि थप ६७ करोड २० लाख रुपैयाँ जम्मा हुनेछ । यसरी प्रिमियम बापतको रकमलाई नगद लाभांसको रुपमा वितरण गर्न पाइदैन । त्यसैले गर्दा कम्पनीको बोनस शेयर वितरण गर्ने क्षमता पनि बढेको छ । यसरी प्रिमियमा शेयर निष्काशन गर्दा अवको एक दुई वर्षमै हकप्रद शेयर निष्काशन गर्नु पर्ने बाध्यता रहने छैन ।
कम्पनीको लाभांस वितरण गर्न सक्ने क्षमता बढ्ने वित्तीकै दोस्रो बजारमा पनि कम्पनीले राम्रो मूल्य तय गर्न सक्नेछ । प्रिमियम बापतको सो रकम मुनाफाबाट आर्जन गर्न दुई तीन वर्ष लाग्छ । तर कम्पनीले प्राथमिक शेयर निष्काशन गर्दा खेरी नै उक्त रकम प्राप्त गर्नेछ । कम्पनीको जगेडा कोषमा ८२ करोड रुपैयाँ छ । प्रिमियमको रकम थपिदा जगेडा कोष एक अर्ब ४९ करोड रुपैयाँ पुग्नेछ । सोहि रकमबाट बोनस शेयर दिन कम्पनीलाई समस्या पर्ने छैन।
यो पनि पढ्नुहोस्
रिलायबल सहित केहि जीवन बीमा कम्पनीले प्रिमियममा आइपिओ निष्काशन गर्ने, यस्तो छ कानुनी व्यवस्था
