काठमाडौं । एनआईबिएल म्युचुअल फण्ड अन्तर्गत सञ्चालित एनआईबिएल सहभागिता फण्ड (खुलामुखी योजना) ले ८ दशमलव २५ प्रतिशत प्रतिफल दिने भएको छ ।
उक्त योजना व्यवस्थापक एनआईबिएल एस क्यापिटलको साउन २३ गते शुक्रवारको सञ्चालक समितिको बैठकले आर्थिक वर्ष २०७६/ ७७ को लागि कर सहित उक्त प्रतिफल दिने निर्णय गरेको जनाएको छ ।
उक्त प्रतिफल प्रयोजनका लागि योजनाले साउन २३ गतेनै बुक क्लोज गर्ने निर्णय गरेको छ । यस आधारमा साउन २२ गतेसम्म कायम इकाईधनीहरुले मात्र यो प्रतिफल प्राप्त गर्नेछन् ।
