काठमाडौं । नेपाल पुनर्बीमा कम्पनीले एक अर्ब ६० करोड रुपैयाँ बराबरको आईपिओ निष्काशन अनुमति पाएको छ । कम्पनीले बोर्डबाट एक सय रुपैयाँ अंकित दरमा एक अर्ब ६० करोड रुपैयाँ बराबरको एक करोड ६० लाख कित्ता प्राथमिक शेयर निष्काशनको अनुमति पाएको हो ।
बोर्डका अनुसार यही फागुन ४ गतेको बोर्ड बैठकले नेपाल पुनर्बीमा कम्पनीलाई आईअिपो निष्काशनको लागि अनुमति दिएको हो । आरबीबी मर्चेन्ट बैंकिङले निष्काशन तथा विक्री प्रबन्धकको जिम्मेवारी लिएको नेपालकै हालसम्मको ठूलो मेगा आईपिओ निष्काशन फागुन भित्रैमा हुने जनाइएको छ ।
हाल आठ अर्ब ४० करोड रुपैयाँ चुक्ता पुँजि रहेको पुनर्बीमा कम्पनीको आईपिओ जारी पश्चात १० अर्ब पुग्नेछ ।
