काठमाडौं । विगत ८ दिनदेखि दोस्रो बजार निरन्तर रुपमा उकालो लागेको छ। दोस्रो बजार नेप्से निरन्तर उकालो लाग्ने क्रममा माइक्रोफाइनान्स र बीमा कम्पनीको बजारमुल्य अन्य क्षेत्रकोभन्दा धेरै बढेका छन् ।
बीमा कम्पनीहरुको दोस्रो बजारको कारोबार हेर्ने हो भने जीवन बीमा तर्फ ८ दिनको अवधिमा सबैभन्दा धेरै गुँरास लाइफको बजारमुल्य बढेको छ । मंसिर १६ गते सोमवार ३ सय ५४ रुपैयाँ शेयर मुल्य भएको गुराँस लाइफ इन्स्योरेन्स कम्पनीको मंसिर २६ गते बिहीवार शेयर मुल्य बढेर ४ सय ६४ रुपैयाँमा कायम भएको छ ।
अघिल्लो साताको सोमबारको तुलनामा गुराँसको शेयर मुल्य ३१ दशमलव ०७ प्रतिशतले बढेको हो । त्यस्तै, अघिल्लो साताको सोमबारको तुलनामा सूर्या लाइफको बजारमुल्य २५ दशमलव ६१ प्रतिशतले बढेको छ ।
त्यसैगरी निर्जीवन बीमातर्फ ८ दिनको अवधिमा सबैभन्दा धेरै यूनाइटेड इन्स्योरेन्सको बजार मुल्य बढेको छ । मंसिर १६ गते २ सय १३ रुपैयाँमा कारोबार भएको कम्पनीको शेयरमुल्य आज मंसिर २६ गते २ सय ८१ रुपैयाँमा कारोबार भएको छ ।
अघिल्लो साताको तुलनामा यूनाइटेड इन्स्योरेन्सको शेयर मुल्य ३१ दशमलव ९२ प्रतिशतले बढेको हो ।
मंसिर १६ गते र आज मंसिर २६ गतेको बजारमुल्यलाई दाँजेर हेर्दा :
