काठमाडौं । महुली लघुवित्त वित्तीय संस्थाले आर्थिक वर्ष २०७५/ ७६ को लागि लाभांश घोषणा गरेको छ । लघुवित्तले आफ्ना शेयरधनीलाई ३१ दशमलव ५८ प्रतिशत लाभांश दिने भएको छ ।
कम्पनीको बुधबार बसेको सञ्चालक समितिको बैठकले गत वर्षको नाफाबाट २० प्रतिशत बोनस सेयर र ११ दशमलव ५८ प्रतिशत नगद लाभांश दिने घोषणा गरेको हो ।
लघुवित्तले २ करोड ४ लाख रुपैयाँ बरबरको बराबरको बोनस वितरण गर्ने प्रस्ताव गरेको छ । त्यस्तै, नगद लाभांश र बोनस सेयर कर प्रयोजनका लागि १ करोड १८ लाख १० हजार ५८० रुपैयाँ वितरण गरिनेछ ।
लघुवित्तको प्रस्तावित लाभांश नियामक निकाय नेपाल राष्ट्र बैंक र आगामी साधारण सभाबाट अनुमोदन भएपछि वितरण प्रक्रिया सुरु हुने संस्थाले जनाएको छ ।
हाल लघुवित्तको चुक्ता पुँजी १० करोड २० लाख रुपैयाँ रहेको छ । बोनस वितरण पछि लघुवित्तको पुँजी १२ करोड २४ लाख रुपैयाँ पुग्नेछ ।
