काठमाडौं । हिमालयन जनरल इन्स्यारेनसको साधारण सभा कार्की ब्यांकेट, बबरमहल काठमाडौंमा आज हुदैछ । सभामा सञ्चालक समितिमा संस्थापक समूहबाट ३ जना र सर्वसाधारणबाट २ गरी कुल ५ जनाको प्रतिनिधित्व हुने व्यवस्था मिलाउन नियमावली संशोधन गरिने प्रस्ताव पेश हुँदैछ ।
साथै ,आर्थिक वर्ष २०७४–७५ को वार्षिक प्रतिवेदन पारित गर्ने प्रस्ताव पनि छ । आर्थिक वर्ष २०७६–७७ का लागि लेखापरीक्षक नियुक्त गरी पारिश्रमिक निर्धारण गर्ने एजेन्डा पनि छ । कम्पनीले आर्थिक वर्ष २०७४–७५ को नाफाबाट सेयरधनीलाई कुनै लाभांश वितरण नगर्ने भएको छ । यसर्थ, कम्पनीले लाभांश सम्बन्धी कुनै एजेन्डा सभामा पेश गर्ने छैन ।
सभा प्रयोजनका लागि कम्पनीले भदौ १७ गते बुक क्लोज गरेको थियो । हाल कम्पनीकोे चुक्ता पुँजी १ अर्ब २ करोड ७२ लाख रुपैयाँ रहेको छ । हालकम्पनीको प्रतिसेयर आम्दानी १९ रुपैयाँ ३३ पैसा र प्रतिसेयर नेटवर्थ १७४ रुपैयाँ १० पैसा रहेको छ ।
