सिटिजन लाइफ इन्स्योरेन्स कम्पनीले आर्थिक वर्ष २०७५।०७६ मा प्रथम बीमा शुल्क १ अर्बभन्दा बढी संकलन गर्न सफल भएको छ । सो अवसरमा कम्पनीले एक कार्यक्रमको आयोजना गरी खुसियाली मनाएको छ । कार्यक्रममा सञ्चालक समितिको तर्फबाट सञ्चालक दिपप्रकाश पाण्डेले कम्पनी सञ्चालनको दोश्रो वर्षमा नै १ सय करोड भन्दा बढी बीमा शुल्क आर्जन गर्न सफल भएकोमा व्यवस्थापन समूह, कम्पनीको बजार व्यवस्थापन लगायत विभिन्न विभागमा कार्यरत सम्पूर्ण कर्मचारी एवम् कम्पनीका अभिकर्तालाई धन्यवाद दिए ।
साथै कम्पनी सञ्चालक पाण्डेले कम्पनी सञ्चालन गर्न सञ्चालक समितिले नीतिगत व्यवस्था गर्ने र कम्पनी सञ्चालन व्यवसायिक विज्ञद्वारा हुने धारणा समेत सोही कार्यक्रममा बताए ।
सोही अवसरमा कम्पनीका प्रमुख कार्यकारी अधिकृत पोषक राजपौडेलले कम्पनीको व्यवसायिक विकास एवम समुन्नतीसंगै कर्मचारीको वृत्ति विकास हँुदै जानुका साथै यस वर्षको उपलब्धिले थप उर्जा प्रदान गरेको र आगामी वर्ष यो भन्दा अझ राम्रो व्यवसाय गर्न हौसला प्राप्त भएको बताए ।
यसका साथै कम्पनीले एक सय करोड भन्दा बढी प्रथम बीमा शुल्क आर्जन गर्न सहयोग पु-याउने नियमनकारी निकाय, सञ्चालक समिति, संस्थापक शेयरधनीहरु, सम्पूर्ण कर्मचारी,अभिकर्ता मित्रहरु तथा कम्पनीद्वारा प्रचलनमा ल्याइएका बीमालेख प्रति विश्वास गरी सो खरिद गर्ने सम्पूर्ण बीमितहरु,एवम् यस उपलब्धिमा प्रत्यक्ष अप्रत्यक्ष रुपमा सहयोग पु-याउने सम्पूर्ण सरोकारवालाहरु प्रति आभार व्यक्त गरे ।
कम्पनीका प्रमुख कार्यकारी अधिकृतले आगामी वर्ष नियमनकारी निकायहरुबाट आवश्यक स्वीकृति लिई कम्पनीले ७५ करोडको शेयर सर्वसाधारणलाई जारी गर्ने जानकारी दिए ।
कम्पनीको नेपालभर छरिएर रहेका ७९ शाखा कार्यालयहरुमा समेत विभिन्न कार्यक्रम गरी यस सफलताको खुसियाली मनाएको कम्पनीले जनाएको छ ।
