कामना सेवा विकास बैंक लिमिटेडले भक्तपुरको राधे राधेमा नयाँ शाखा विस्तार गरेको छ । बैंकले आफ्नो सेवा विस्तारको क्रममा भक्तपुर मध्यपूर ठिमी महानगरपालिका वडा नं. २६ स्थितर राधे राधे शाखाको उद्घाटन गरेको हो । बैंकको यो ९३औं शाखा कार्यालय हो ।
उक्त नयाँ शाखाको उद्घाटन बैंकका अध्यक्ष सुदिप आचार्य, संचालक तथा नायव महाप्रबन्धक हरि प्रसाद लम्सालले संयुक्त रुपमा गरे ।
उक्त कार्यक्रममा बैंकले व्यवसाय विस्तारको क्रममा नविनतम प्रोडक्टहरु तथा वृहत शाखा सञ्जाल मार्फत आफ्ना ग्राहकहरुलाई उच्च स्तरको बैंकिङ्ग सेवा सुविधाहरु उपलब्ध गराउँदै जाने समेत जानकारी दिइएको छ ।
हालसम्म बैंकले ९३ वटा शाखा तथा ४४ वटा एटिएम मार्फत ग्राहकहरुलाई बैंकिङ सेवाहरु प्रदान गर्दै आएको छ । साथै, समय सापेक्ष आफ्ना सेवाहरु थप गर्दै जाने बैंकको योजना रहेको छ ।
