एनएलजी इन्स्योरेन्स कम्पनीको चालु आर्थिक वर्ष २०७५/७६ को दोस्रो त्रैमासको अवधिमा कुल बीमा शुल्क आर्जन १४.६९ प्रतिशतले बढेको छ । गत आवको त्रैमासमा कम्पनीले ७३ करोड ४५ हजार कुल बीमा शुल्क आर्जन गरेको थियो । यस आवको दोस्रो त्रैमासको अवधिमा कम्पनीले ८३ करोड ७३ लाख ५३ हजार रुपैयाँ कुल बीमा शुल्क आर्जन गरेको छ ।
कम्पनीले प्रकाशन गरेको गत आवको दोस्रो त्रैमासको वित्तीय विवरण अनुसार कम्पनीमा ८३ हजार ७ सय ४३ बीमालेख कायम रहेको थियो । यो आवको सोही अवधिमा कम्पनीमा ९५ लाख ८ सय २५ बीमालेख कायम रहेको छ ।
चालु आवको दोस्रो त्रैमसको अवधिमा कम्पनीले ४५ करोड २३ लाख ३४ हजार रुपैयाँ दाबी भुक्तानी गरेको छ । यो रकम गत आवको सोही अवधिको तुलनामा ३८.०२ प्रतिशतले बढी हो । कम्पनीले २ हजार ४ सय ८१ बटा दाबीको भुक्तानी गरेको छ । भने कम्पनीले २ हजार ३ सय ८० दाबीको भुक्तानी गरेको छैन् ।
कम्पनीको जगेडा कोष १६ करोड ४२ लाख ८० हजार रुपैयाँ रहेको छ । गत आवको सोही अवधिमा कम्पनीके जगेडा कोष १७ करोड ७५ लाख ८८ हजार रुपैयाँ रहेको थियो । चालु आवको दोस्रो त्रैमसको अवधिमा कम्पनीले ८ करोड ४५ लाख खुद नाफा कमाएको छ ।
कम्पनीको प्रतिशेयर आम्दानी २६ रुपैयाँ ३९ पैसा रहेको छ । मूल्य आम्दानी अनुपात ३२ रुपैयाँ ४० पैसा रहेको छ । भने प्रतिशेयर कुल सम्पत्तिको मूल्य ४ सय ५१ रुपैयाँ ३२ पैसा रहेको छ ।
