चालु आर्थिक वर्ष २०७५/७६ को दोस्रो त्रैमासको अवधि सम्ममा गण्डकी विकास बैंकले २६ करोड ५२ लाख २२ हजार रुपैयाँ खुद नाफा आर्जन गर्न सफल भएको छ । गत आवको सोही अवधिको तुलनामा २९ दशमलव ६८ प्रतिशतले वृद्धि हो । गत वर्षको यसै अवधिमा बैंकले २० करोड ४५ लाख ८ हजार रुपैयाँ खुद नाफा कमाएको थियो ।
बैंकको खुद ब्याज आम्दानी पनि ५५ करोड ४२ लाख ७५ हजार रुपैयाँ पुगेकोे छ । गत वर्ष गण्डकीले ४५ करोड ३७ लाख ७२ हजार रुपैयाँ खुद ब्याज आम्दानी गर्न सफल भएको थियो ।
दोस्रो त्रैमाससको अवधिसम्ममा २६ अर्ब १९ करोड ४० लाख ३६ हजार रुपैयाँ निक्षेप संकलन गरी २३ अर्ब ३८ करोड ५४ लाख ५२ हजार रुपैयाँ कर्जा लगानी गरेको छ ।
चुक्ता पुँजी २ अर्ब ७५ करोड रुपैयाँ रहेको गण्डकीको रिजर्भ कोषमा ८८ करोड ३० लाख ५३ हजार रुपैयाँ छ ।
गण्डकी बिकास बैंकको प्रतिसेयर आम्दानी १९ रुपैयाँ २९ पैसा (वार्षिक) र प्रतिसेयर नेटवर्थ १३२ रुपैयाँ ११ पैसा छ ।
