नेपाल धितोपत्र बोर्डले सेयर कारोबारमा लाग्ने कमिशन शुल्क घटाउँन अध्ययन समिति गठन गर्ने भएको छ । बोर्डले विश्व लगानीकर्ता सप्ताहको अवसरमा बुधबार काठमाडौमा आयोजना गरेको छलफल कार्यक्रममा बोर्डका अध्यक्ष डा.रेवत बहादुर कार्कीले अध्ययन समिति गठन गरिने बताएका हुन् ।
बोर्डले बुधबार पहिलो पटक लगानीकर्ताको सार्वजनिक सुनुवाई कार्यक्रम राखेको थियो । बोर्डले प्रत्येक तीन महिनामा यस्तो खालको सुनुवाई कार्यक्रम राखिने भएको छ । उक्त कार्यक्रममा लगानीकर्ताहरुले कमिशन शुल्क घटाउँनु पर्ने आवाज उठाएपछि बोर्डका अध्यक्ष कार्कीले अध्ययन समितिले खडा गर्ने प्रतिबद्धता व्यक्त गरेका हुन् ।
कार्यक्रममा पूँजी बजार लगानी कर्तासंघका अध्यक्ष नवराज सुबेदीले कमिशन शुल्क घटाउँने हो भने बजारमा कारोबार पनि बढ्ने दाबी गरे । त्यस्तै, इन्भेष्टर्स फोरमका उपाध्यक्ष छोटेलाल रौनियारले कमिशन शुल्क अहिलेको बजारको बाधक भएको बताए । त्यसैले बोर्ड, नेप्से, सिडिएसी र ब्रोकरलाई कमिशन घटाउँन उनले आग्रह गरे ।
त्यस्तै कार्यक्रममा स्टक ब्रोकर एसोशिसयनका अध्यक्ष भरत रानाभाटले व्यवसायलाई असर नपर्ने परी आफुहरु कमिशन घटाउँन वा बढाउँन तयार रहेको बताए । यद्यपी एशियन मुलुका नेपालमा सबै भन्दा न्यून ब्रोकर कमिशन रहेको समेत उनले बताए । ‘ पनि हामी कमिशन घटाउँन तयार छौ । आउनुहोस बसेर छलफल गरौ । विश्लेषण गरौ । तर, हामी पनि व्यवसाय गर्न बसेका हौ । हामीलाई पनि कुनै असर नहोस,’ उनले भने । व्यवसायी हौ भन्दैमा लगानीकर्तासँग धेरै कमिशन असुल्न पर्छ भन्ने पक्षमा ब्रोकरहरु नरहेको उनले बताए ।
त्यस्तै सिडिएससीका कार्यकारी प्रमुख देव प्रकाश गुप्ताले संस्था सञ्चालनमा असर नपर्ने गरि शुल्क घटाउँन तयार भएको बताए ।
बोर्डको साईट परिमार्जन
विश्व लगानीकर्ता सप्ताहको अवसरमा नेपाल धितोपत्र बोर्डले आफनो वेव साईट परिमार्जन गरेको छ । बुधबार काठमाडौमा आयोजित कार्यक्रममा बोर्डले परिमार्जन गरिएको साईट सार्वजनिक गरेको हो । त्यसैगरी मेरो सेयर एप्लिकेशन पनि अपडेट गरिएको छ ।
