इन्स्योरेन्स खबर/काठमाडौंः एशियन लाईफ इन्स्योरेन्सले गत आर्थिक वर्षको मुनाफाबाट प्रस्तावित लाभांश पारित गर्नका लागि जेठ १९ गते दशौं साधारणसभा डाकेको छ । उक्त साधारणसभा प्रयोजनका लागि जेठ ४ गतेदेखि जेठ १७ गतेसम्म सेयरधनी पुस्तिका बन्द गर्ने भएको हो ।
कम्पनीले केही समय अगाडि जारी गरेको ५० हकप्रद सेयरधनीले समेत प्राप्त गर्ने गरी ४ प्रतिशत बोनस सेयर र कर प्रयोजनका लागि शुन्य दशमलव २१ प्रतिशत नगद लाभांश दिने भएको हो । कम्पनीको साधारणसभामा सहभागि हुन र लाभांश प्राप्त गर्नका लागि जेठ १ गतेसम्म सेयर खरिद गर्नुपर्ने हुन्छ ।
हाल १ अर्ब २० करोड ८३ लाख ८९ हजार ८६० रुपैयाँ चुक्तापूँजी रहेको एशियनले चुक्ता पूँजीको ४ प्रतिशतले हुन आउने ४ करोड ८३ लाख ३५ हजार ५ सय ९४ रुपैयाँ बराबरको बोनस सेयर दिन लागेको हो । बोनस वितरण पश्चात कम्पनीको चुक्तापुँजी १ अर्ब २५ करोड ६७ लाख २५ हजार ४५४ रुपैयाँ पुग्नेछ ।
त्यसैगरी कम्पनीले बोनसपश्चात कायम पूँजीको ६० प्रतिशत हकप्रद सेयर निष्कासन गर्ने पस्ताव पनि सभामा पेश गर्ने भएको छ । कम्पनीले बिमा समिति को निर्देशन अनुसार चालु आर्थिक वर्षको अन्त्यसम्म चुक्तापूँजी बढाएर २ अर्ब रुपैयाँ पुर्याउन ६० प्रतिशत हकप्रद सेयर निष्कासन गर्न लागेको हो , कम्पनीले केहि समय अगाडी पनि ५० प्रतिशत हकप्रद सेयर निष्कासन गरेको थियो । साधारणसभाबाट पारित भएपछि हकप्रद सेयर निष्कासन प्रक्रिया अगाडि बढ्ने कम्पनीले जानकारी दिएको छ ।
यो पनि हेर्नुहोस्
