काठमाडौँ । शिखर इन्स्योरेन्स कम्पनीले कुल सेयरको दश प्रतिशत संस्थापक सेयरलाई साधारण सेयरमा रुपान्तरण गर्ने भएको छ । कम्पनीको मंगलबार बसेको संचालक समितिको बैठकले यस अघिको प्रस्ताव खारेज गर्दे नयाँ प्रस्ताव अघि सारेको हो ।
यसअघि कम्पनीले संस्थापक सेयरको २० प्रतिशत अर्थात कूल सेयरको १४ प्रतिशत सेयर संस्थापकबाट साधारणमा रुपाान्तरण गर्ने निर्णय गरेको थियो ।
सो निर्णयलाई संशोधन गर्दे कम्पनीले संस्थापक सेयरको १४.२८ प्रतिशत अर्थात कूल सेयरको दश प्रतिशत संस्थापक सेयर साधारणमा रुपान्तरण गर्ने निर्णय गरेको कम्पनी सचिव सुरज राजबाहकले जानकारी दिए ।
दश प्रतिशत संस्थापक सेयर साधारणमा रुपान्तरण गरेपछि कम्पनीमा संस्थापकको ६० प्रतिशत तथा साधारणको ४० प्रतिशत शेयर हिस्सा कायम हुनेछ । हाल कम्पनीमा संस्थापको ७० प्रतिशत तथा साधारण सेयरधनीको ३० प्रतिशत शेयर स्वामीत्व रहेको छ ।
यसअघि कम्पनीले १३ औ साधारणसभा बाट संस्थापकको ५६ प्रतिशत तथा साधारण सेयरधनीको ४४ प्रतिशत सेयर कायम गर्ने प्रस्ताव गरेको थियो । तर बीमा समितिले उक्त प्रस्ताव अस्वीकृत गरेपछि कम्पनीले कम्पनीमा संस्थापकको सेयर स्वामीत्व संस्थापकको ६० तथा साधारणको ४० प्रतिशत कायम गर्ने प्रस्ताव गरेको हो ।
