काठमाडौं । हिमालयन जनरल इन्स्योरेन्सले वैशाख २९ गते बिहान साधारण सभा गर्ने भएको छ । कम्पनीले उक्त सभा ११ बजे, कार्की व्याङकेट बबरमहल काठमाडौँमा २६ औं वार्षिक साधारण सभा गर्ने भएको हो।
साधारण सभा प्रयोजनको लागि कम्पनीले वैशाख १२ गते देखि २९ गते सम्मको लागि बुकक्लोज गर्ने जनाएको छ। त्यस अनुसार वैशाख ११ गतेसम्म कायम शेयरधनीले मात्रै लाभांश पाउनेछन्।
कम्पनीले हाल कायम चुक्ता पूँजी १ अर्ब २ करोड ७२ लाख रुपैयाँको ४ प्रतिशतले हुने आउने ४ करोड १० लाख ८८ हजार रुपैयाँ बराबरको बोनश शेयर र ३ दशमलव ७५ प्रतिशतले हुने ३ करोड ८५ लाख २० हजार रुपैयाँ कर सहित नगद लाभांश वितरण गर्ने प्रस्ताव पारित गर्नेछ।
