काठमाडौं । शेयर बजारमा मंगलबार हरियाली छाएको छ। सरकारले फेरिने खबरले लगानीकर्तामा उत्साह देखिँदा बजारमा चमक आएको छ। आज नेप्से परिसूचक ४७.०४ अंकले बढेर २१००.४३ को विन्दुमा बन्द भएको छ। इन्ट्राडे कारोबारमा भने नेप्से बढेर २१५६ को विन्दुभन्दा माथि पुगेको थियो।
आज २२७ कम्पनीको शेयरभाउ बढ्दा १७ वटाको घटेको छ भने ३ वटाको स्थिर रहेको छ। यो दिन ३१५ कम्पनीका १ करोड १६ लाख ४५ हजार ९०५ कित्ता शेयर ४ अर्ब ५७ करोड ६८ लाख ३१ हजार ७२० रुपैयाँमा किनबेच भएका छन्। आज एनआरएन इन्फ्रास्ट्रक्चरको सर्वाधिक कारोबार भएको छ।
आज नेप्सेमा रहेका सबै १३ वटा उपसमूहमा हरियाली छाएको छ।
उच्च कारोबार भएका १० कम्पनी
- एनआरएन इन्फ्रास्ट्रक्चरः १२ करोड ३३ लाख रुपैयाँ
- गुडविल फाइनान्सः ११ करोड १० लाख रुपैयाँ
- युनाइटेड इदी मर्दीः १० करोड ६९ लाख रुपैयाँ
- हिमालयन रिइन्स्योरेन्सः १० करोड ५२ लाख रुपैयाँ
- हिमालयन डिस्टिलरीः १० करोड ९ लाख रुपैयाँ
- सानिमा जीआईसी इन्स्योरेन्सः ९ करोड ४६ लाख रुपैयाँ
- जानकी फाइनान्सः ७ करोड १९ लाख रुपैयाँ
- नेपाल फाइनान्सः ६ करोड ६० लाख रुपैयाँ
- सगरमाथा प्रिमियर इन्स्योरेन्सको संस्थापक शेयरः ६ करोड ४४ लाख रुपैयाँ
- सीईडीबी हाइड्रोपावरः ६ करोड ३३ लाख रुपैयाँ
