काठमाडौं । नेपाल स्टक एक्सचेञ्जले स्वावलम्म्बन लघुवित्त वित्तीय संस्थाको शेयर कारोबार फुकुवा गरेको छ । नेप्सेले कम्पनी रजिष्ट्रारको कार्यालयले असार ५ गते गरेको पत्रको आधारमा उक्त कम्पनीको रोकिएको शेयर कारोबार फुकुवा गरेको जनाएको छ ।
कम्पनीको २६ प्रतिशत बोनस शेयरमा वितरणमा अन्योल भएको भन्दै नेप्सेले कम्पनी रजिष्ट्रार कार्यालयकै पत्रको आधारमा गत फागुन २० गतेदेखि शेयर कारोबार रोक्का गरेको थियो ।
कम्पनी रजिष्ट्रारको कार्यालयले उक्त कम्पनीलाई २६ प्रतिशत बोनस पश्चात चुक्तापूँजी ७९ करोड २३ लाख ९९ हजार रुपैयाँ कायम गर्न स्वीकृति दिएकोमा भुल भएको भन्दै त्यस निर्णयलाई कार्यान्वयन नगराउन नेप्सेलाई पत्र पठाएको थियो ।
