नेपाल स्टक एक्सचेन्ज (नेप्से) परिसूचक ४१.५६ अंकले ओरालो लाग्यो । अर्थमन्त्री डा युवराज खतिवडाले सेयर बजारलाई अनुत्पादक भनेको आधारमा सेयर बजार घटेको बताइएको छ ।
सेयर बजारमा आइतबार १५१ कम्पनीको सेयर कारोबार भयो । कारोबार भएका १५१ वटा कम्पनीमा २ वटा कम्पनीको मात्र सेयर मुल्य बढ्यो । अरु सबै कम्पनीको सेयर मुल्य घटेर कारोबार भयो ।
देशमा स्थाई सरकार गठन भइसकेको अवस्थामा मुलुक राजनैतिक तथा आर्थिक रुपमा सम्पन्न होला र आफ्नो लगानी पनि सुरक्षित होला भनेर आशा गरेका लगानीकर्ताहरु अर्थमन्त्री डा युवराज खतिवडाको पछिल्लो अभिबक्तिबाट आफुहरु सोच्न बाध्य हुन थालेको बताएका छन, साथै लगानी कर्ताहरुले शेयर बजार अनुत्पादक भए सदाका लागि बन्द गरौं’ अहिले बजारमा खुलेका विभिन्न जल बिद्युत कम्पनीहरुको साधारण सेयर (आईपीओ) बहिस्कार गरौ जस्ता धारणाहरु राख्न थालेका छन् भने बजारको गतिले अब सरकारले पनि सोच्नुपर्ने अवस्था अएको देखाउछ ।
