काठमाडौं । सेन्ट्रल फाइनान्स लिमिटेडले नगद लाभांश शेयरधनीहरुको बैंक खातामा आजदेखि जम्मा गर्ने भएको छ । कम्पनीले हितग्राही खातामा उपलव्ध भएको बैंक खातामा उक्त लाभांश जम्मा गर्ने भएको हो ।
कम्पनीको फागुन १६ गते सम्पन्न २३औं वार्षिक साधारण सभाले चुक्तापूँजीको ७ प्रतिशत नगद लाभांश वितरण गर्ने प्रस्ताव पारित गरेको थियो ।
कम्पनीले साधारण सभा प्रयोजनका लागि बुक क्लोजको मितिसम्म कायम रहेका शेयरधनीहरुको हितग्राही खातामा बैंक खाताको विवरण अद्यावधिक भएको हकमा नगद लाभांश बापतको रकम सोही खातामा नै जम्मा गर्ने भएको जनाएको छ ।
हालसम्म पनि शेयर प्रमाणपत्र अभौतिकीकरण नगराएका शेयरधनीले शेयर अभौतिकीकरण गराई हितग्राही खातामा बैंक खाता सहितको विवरण अद्यावधिक गराएपछि मात्र नगद लाभांश जम्मा गरिदिने कम्पनीले जनाएको छ ।
