काठमाडौं । सेञ्चुरी कमर्सियल बैंकको भैरहवा शाखाले बालबालिकाहरुका लागि न्यानो कपडा हस्तान्तरण गरेको छ।
बैंकको संस्थागत सामाजिक उत्तरदायित्व अन्तर्गत ओमसतिया गाउँपालिका वडा नं ३ लोहरौलिमा स्थित रोहिणी विद्याश्रम आधारभूत विद्यालयमा अध्ययनरत बालबालिकाहरुका लागि न्यानो कपडा हस्तान्तरण गरेको हो।
उक्त कार्यक्रममा एक सय दश जना बालबालिकाहरुको लागि न्यानो कपडा बैंकको भैरहवा शाखाका शाखा प्रबन्धक बिशाल गुप्ताले विद्यालयका प्रध्यानाध्यापक विजय मणि त्रिपाठीलाई हस्तान्तरण गरेका हुन्।
