काठमाडौं । सिन्धु विकास बैंकका प्रमुख कार्यकारी अधिकृत रमेश प्रसाद जोशीले व्यक्तिगत कारण देखाएर राजिनामा दिएका छन् । बैंकको सञ्चालक समितिले जोशीको राजिनामा कात्तिक एक गतेदेखि लागु हुने गरि स्वीकृत गरेको छ ।
असोज १३ गते बसेको सञ्चालक समितिको बैठकले जोशीको राजिनामा स्वीकृत गर्दै नायब प्रमुख कार्यकारी अधिकृत राम कुमार गिरीलाई कात्तिक एक गतेदेखि लागु हुने गरी कायम मुकाय प्रमुख कार्यकारी अधिकृतको जिम्मेवारी दिइएको छ ।
