काठमाडौं । सिटिजन लाइफ इन्स्योरेन्सले शेयर प्रिमियमबाट शेयरधनीहरुलाई वितरण गर्न घोषणा गरेको लाभांश रद्द गरेको छ । कम्पनीले बैशाख २३ गते बसेको सञ्चालक समितिको बैठकले चुक्ता पूँजी वृद्धि गर्न २६.९८ प्रतिशतका दरले बोनश शेयर र १.४२ प्रतिशतका दरले अन्तरिम लाभांश वितरण गर्ने निर्णय गरेको थियो। सोही लाभांश प्राधिकरणले वितरण नगर्न निर्देशन दिएपश्चात रद्द गरिएको हो।
नेपाल बीमा प्राधिकरणले लाभांश वितरण नगर्न निर्देशन दिएपछि बैशाख २५ गते बसेको इन्स्योरेन्सको सञ्चालक समितिको बैठकले लाभांश रद्द गर्ने निर्णय गरेको हो।
