काठमाडौं । सिटिजन लाइफ इन्स्योरेन्स कम्पनीले कोरोना भाइरस महामारीको विरुद्ध आफ्ना एजेन्सी म्यानेजरहरुलाई एक लाखको बीमालेख प्रदान गरेको छ ।
कम्पनीसँंग आवद्ध बीमा अभिकर्ता (सिटिजन लिडर) हरुको कार्य दक्षता अभिवृद्धि गरी उत्पादकत्व बढाउन कम्पनीले यस विषम परिस्थितिमा आफ्ना लिडरहरुको व्यवसायिक मनोवल उच्च गराउन कम्पनीले उक्त बीमा गराएको जनाएको छ। उक्त बीमा योजना कम्पनील शिखर इन्स्योरेन्स कम्पनीबाट खरिद गरेको कम्पनीले जनाएको छ । कम्पनीले यस अघि सिटिजन लाइफले आफ्ना कर्मचारीहरुलाई पनि सोहीे सुविधा उपलब्ध गराएको थियो ।
कोरोना लागेको पिसिआर परीक्षणमा पोजेटिभ देखिने बित्तिकै बीमाङ्क रकम भुक्तानी लिन पाइनेछ । यस बीमालेखले बीमितहरुलाई एक वर्षसम्म सुरक्षा प्रदान गर्दछ । कम्पनीले आफ्नो टिमको मनोबल उच्च राख्न र कम्पनीमा आबद्ध लिडरहरुको सेवा सुविधा र क्षमता बृद्धि विकासमा अग्रणी भूमिकामा रहदै आएको र यस प्रयासले आफ्ना लिडरहरुको क्यारियर एजेन्सीको रुपमा काम गर्न थप आधार तयार हुने विश्वास लिएको छ ।
