काठमाडौं । सिटिजन्स बैंकले नशा रहित समाज नेपाललाई आर्थिक सहयोग गरेको छ । बैंकले लागुऔषधको दुर्व्यसनमा परेका व्यक्तिहरुलाई कुलतबाट छुट्कारा गराउने काममा सक्रिय नशा रहित समाज नेपाललाई आर्थिक सहयोग गरेको जनाएको छ ।
बैंकले आफ्नो संस्थागत सामाजिक उतरदायित्व अन्तर्गत नशा रहित समाज नेपाललाई एक लाख एक हजार रुपैंया सहयोग प्रदान गरेको जनाएको छ ।
नशा रहित समाज नेपालको कार्यालय बडिखेलमा एक कार्यक्रमका बीच बैंकले एक लाख एक हजार रुपैंयाको चेक संस्थाका संचालक सोनाम शेर्पालाई हस्तान्तरण गरेको हो ।
