काठमाडौं । साताको अन्तिम कारोबारको दिन नेप्से ० दशमलव १५ अंकले घटेर १५१० दशमलव ४२ को विन्दुमा कायम भएको छ ।आज १ सय ८६ कम्पनीको ९३ लाख २ हजार ९ सय ७० कित्ता शेयर किनबेच हुँदा २ अर्ब ६३ करोड रुपैयाँको कारोबार भएको छ ।
बैंकिङ्, टेड्रिङ, विकास बैंक हाईड्रोपावर र उत्पादनमूलक क्षेत्र बाहेक अन्य क्षेत्रको उपसूचकमा हरियाली छाएको छ ।
सबैभन्दा धेरै नेपाल रि इन्योरेन्सको ४१ करोड ५७ लाख रुपैयाँ बराबरको कारोबार भएको छ । त्यस्तै, शिखर इन्स्योरेन्सको १३ करोड ४ लाख रुपैयाँको कारोबार भएको छ ।
उन्नति सहकार्य लघुवित्तका लगानीकर्ताले ९ दशमलव ९२ प्रतिशतका दरले गुमाएका छन् भने अरुण काबेली पावरका लगानीकर्ताले ९ दशमलव ८७ प्रतिशतका दरले कमाएका छन् ।
पाँचथर पावरका लगानीकर्ताले ६ दशमलव ९९ प्रतिशतका दरले गुमाएका छन् भने हिमालय पावरका लगानीकर्ताले ६ दशमलव २१ प्रतिशतका दरले गुमाएका छन् ।
