काठमाडौं । निर्जिवन बीमा कम्पनी सानिमा जनरल इन्स्योरेन्स कम्पनीले चालु आवको दोस्रो त्रैमासको वित्तीय विवरण सार्वजनिक भएको छ । सो कम्पनीको वित्तीय विवरणमा चालु आवको छ महिनासम्मको कारोबारबाट एक करोड ८२ लाख ९३ हजार मुनाफा आर्जन गर्न सफल भएको छ । यद्यपि कम्पनीले आठ करोड ३१ लाख रुपैयाँ भन्दा बढि दावी भुक्तानी गर्न बाँकी छ ।
कूल ७० करोड रुपैयाँ चुक्ता पुँजि भएको कम्पनीले चालु आवको दोस्रो त्रैमाससम्ममा बीमा कोष, जगेडा कोष तथा महाविपत्ति कोषमा गरी कूल सात करोड ५६ लाख २८ हजार रुपैयाँ जम्मा गरेको छ । अघिल्लो वर्ष तीन करोड ३८ लाख ९१ हजार रुपैयाँ तीन वटा कोषमा दाखिला गरेको सानिमा जनरल इन्स्योरेन्सको कोषमा दाखिला भएको कूल बीमा गत वर्ष भन्दा बढि गरेको छ ।
चालु आवमा व्यापारको आधारमा सबैभन्दा कान्छो कम्पनीको सूचिमा रहेको सानिमा जनरल इन्स्योरेन्सले ब्यापार भने बृद्धि गर्ने क्रममै रहेको छ । गत आवको समीक्षा अवधीमा एक करोड नौ लाख १६ हजार रुपैयाँ खुद बीमा शुल्क आर्जन गरेको सानिमा जनरल इन्स्योरेन्स कम्पनीले पछिल्लो छ महिनामा छ करोड ९९ लाख ८३ हजार रुपैयाँ बीमा शुल्क आर्जन गरी ५४१ प्रतिशतले बृद्धि गर्न सफल भएको छ । त्यस्तै कम्पनीको कूल बीमा शुल्क पनि ३०३ प्रतिशलते बढेको वित्तीय विवरणले देखाएको छ । विस्तारै लय समात्ने क्रममा रहेको सानिमा जनरल इन्स्योरेन्स कम्पनीले ७८ लाख ४० हजार रुपैयाँ नेपाल सरकारलाई कर बुझाएको छ ।
