काठमाडौं । कर्मचारी सञ्चय काेषले दुर्घटनामा परी मृत्यु भएका २२ जना सञ्चयकर्ताकाे हकवालालाई राहत रकम उपलब्ध गराएकाे छ। काेषले असार १२ गतेकाे निर्णय अनुसार २२ जना सञ्चयकर्ताकाे हकवालालाई कूल ४४ लाख रुपैयाँ राहत रकम वितरण गरेकाे हाे ।
काेषका अनुसार क्षतिपूर्ती उपलब्ध गराइएकामध्ये १६ जनाकाे माेटर दुर्घटनामा परी मृत्यु भएकाे थियाे । यसैगरी कूल २२ जनामध्ये ९ जना विभिन्न सुरक्षा बल र प्रहरीमा कार्यरत सुरक्षाकर्मीकाे हकवाला रहेका छन् । मृत्यु हुनेमा अधिकांश पुरूष सदस्य रहेका छन् ।
पाेखरामा २०७९ माघ १ गते भएकाे यती एयर लाइन्सकाे विमान दुर्घटनामा परी ज्यान गुमाएकी अधिकृत कानून मन्त्रालय पाेखराका अधिकृत लक्ष्मी पाैडेलकाे परिवारजनलाई पनि काेषले दुई लाख रुपैयाँ क्षतिपूर्ती उपलब्ध गराएकाे छ।
