लगानीकताहरुले नेप्सेको अनलाईन शेयर कारोबारको भुुक्तानी बैंकको खातामार्फत दैनिक १० लाख रुपैयाँसम्म अनलाईनबाट भुुक्तानी गर्न पाउने भएका छन् । नेपाल क्लियरिङ हाउसले सञ्चालन गरेको ‘कनेक्ट आईपीएस’ सेवा लिएका बैंक खातावालाले सेयर किन्दा हरेक दिन १० लाख रुपैयाँसम्म अनलाईन प्रणालीबाट भुक्तानी गर्न पाउने व्यवस्था गरेको नेप्सेले जनााएको छ ।
यसका साथै लगानीकर्ताले शेयर बिक्रिपछि पाउने रकम सोझै बैंक खातामा प्राप्त गर्न सक्ने व्यवस्था समेत गरिएको छ ।
यस अघि नेप्सेको प्रणली सिडिएस एन्ड क्लियरिङ तथा चारवटा क्ल्यिरिङ बैकको प्रणली एकीकृत रहेको थियो । नेप्सेको ट्रेडिङ सिस्टम (नट्स) टिएमएसका प्रणालीको कारोबार गर्दा लगानीकर्ताले नेपाल क्लियरिङ हाउसमा आवद्ध सबै बैंक तथा वित्तिय संस्थामार्फत अनलाईन भुक्तानी गर्न सक्ने व्यवस्था गरिएको थियो ।
अब लगानीकर्ताहरुले दैनिक १० लाख रुपैयाँसम्म अनलाईनबाट भुुक्तानी गर्न सक्ने भएका छन् । नेपाल क्लियरिङ हाउसले सञ्चालन गरेको ‘कनेक्ट आईपीएस’ सेवा लिएका बैंक खातावालले सेयर किन्दा हरेक दिन १० लाख रुपैयाँसम्म अनलाईन प्रणालीबाट भुक्तानी गर्न पाउने व्यवस्था मिलाइएको नेपाल स्टक एक्सचेञ्जले जनाएको छ ।
चालु आर्थिक वर्षमा १ लाख २४ हजार ६ सय १७ वटा मात्र अनलाईन प्रणालीबाट कारोबार भएको छ । अनलाइन कारोबार सुचारु हुनुपूर्व नेप्सेको कुल कारेबार रकम ६० अर्ब रहेको थियो भने अनलाइन कारोबार सुचारु भएपछि ७७ अर्ब पुगेको छ ।
