काठमाडौं । शेयर बजार मंगलबार पनि दोहोरो अंकले उकालो लागेको छ। नेप्से परिसूचक १४.११ अंकले बढेर २६२६.३१ को विन्दुमा बन्द भएको हो।
बजार बढ्दा १६७ कम्पनीको शेयरभाउ उकालो लागेको छ भने ७१ कम्पनीको ओरालो लागेको छ। आज ६ कम्पनीको शेयरभाउ स्थिर रहेको छ।
आज नेप्से उपसमूहमा रहेका ११ वटा समूह बढेका छन् भने दुईवटा घटेका छन्। यो दिन विकास बैंक समूह सर्वाधिक १.७५ प्रतिशतले बढ्दा उत्पादन तथा प्रशोधन समूह सर्वाधिक २.३२ प्रतिशतले घटेको छ।
बजारमा आज करिब सवा ५ अर्ब रुपैयाँको कारोबार भएको छ। सर्वाधिक कारोबार जानकी फाइनान्सको भएको छ।
आज उच्च कारोबार भएका १० कम्पनी
- जानकी फाइनान्सः २० करोड ७ लाख रुपैयाँ
- जोशी हाइड्रोपावरः १९ करोड २७ लाख रुपैयाँ
- नेपाल फाइनान्सः ९ करोड ५२ लाख रुपैयाँ
- माउन्टेन इनर्जीः ८ करोड ६३ लाख रुपैयाँ
- न्यादी हाइड्रोपावरः ८ करोड ५९ लाख रुपैयाँ
- सप्तकोशी डेभलपमेन्ट बैंकः ८ करोड ३० लाख रुपैयाँ
- प्रभु बैंकः ८ करोड ३० लाख रुपैयाँ
- गुडविल फाइनान्सः ७ करोड ५४ लाख रुपैयाँ
- कर्णाली डेभलपमेन्ट बैंकः ७ करोड ४६ लाख रुपैयाँ
- बेस्ट फाइनान्सः ७ करोड २९ लाख रुपैयाँ
