काठमाडौं । शेयर बजार यो साता उकालो लागेको छ। नेप्से परिसूचक यो साता २.६७ प्रतिशतले बढेको हो। गत साता बिहीबार १९६६.२३ को विन्दुमा बन्द भएको बजार यो साता २०१८.७६ को विन्दुमा बन्द भएको छ। यस हिसाबले यो साता बजार ५२.५३ अंकले बढेको छ।
बजार बढ्दा नेप्से उपसमूहमा रहेका १३ वटामध्ये ११ वटा बढेको छ भने २ वटा घटेको छ। यो साता वित्त र होटेल तथा समूह घटेका छन् अन्य सबै समूह उकालो लागेका छन्।
बजार बढ्दा यो साता नेप्सेको कुल बजार पुँजीकरण बढेर ३२ खर्ब १ अर्ब १६ करोड रुपैयाँ पुगेको छ। अघिल्लो साता बिहीबार नेप्सेको कुल बजार पुँजीकरण ३१ खर्ब १७ अर्ब ७० करोड रुपैयाँ थियो। यस हिसाबले यो साता लगानीकर्ताको सम्पत्ति ८३ अर्ब ४६ करोड रुपैयाँले बढेको छ।
