काठमाडौं । नेपाल इन्फ्रास्ट्रक्चर बैंक (निफ्रा)ले ५ अर्ब रुपैयाँबराबरको ऋणपत्र ल्याउने भएको छ।
निफ्राले ‘निफ्रा ऊर्जा डिबेन्चर–२०८८।८९’नाम ऋणपत्र ल्याउन नेपाल धितोपत्र बोर्ड (सेबोन)मा निवेदन दिएको हो। धितोपत्र बोर्डले अनुमति दिएपछि निफ्राले सर्वसाधारणका लागि ऋणपत्र बिक्री खुला गर्नेछ।
निफ्राले १ हजार रुपैयाँ अंकित दरका कुल ५० लाख इकाइ ऋणपत्र जारी गर्नेछ। कुल इकाइमध्ये निफ्राले ३० लाख इकाइ व्यक्तिगत तबरबाट र बाँकी २० लाख इकाइ सर्वसाधारणका लागि जारी गर्नेछ।
निफ्राको यो ऋणपत्र ७ वर्षे अवधिको हो। यसमा लगानीकर्ताले वार्षिक ६ प्रतिशत ब्याज पाउनेछन्।
निफ्राको ऋणपत्र बिक्री प्रबन्धकमा एनआईएमबि एस क्यापिटल रहेको छ।
