काठमाडौं । नेपाल राष्ट्र बैंकले साढे २१ अर्ब रुपैयाँको आन्तरिक ऋण नवीकरण गर्ने भएको छ।
राष्ट्र बैंकले २१ अर्ब ५० करोड रुपैयाँबराबरको ट्रेजरी बिल नवीकरण गर्ने भएको हो। जसमा २८ दिने ८ अर्ब रुपैयाँको, ९१ दिने ८ अर्ब ५० करोड रुपैयाँको र ३६४ दिने ५ अर्ब रुपैयाँ ट्रेजरी बिल रहेका छन्। यी ट्रेजरी क्रमशः २०८० चैत २७ गते, २०८१ जेठ २९ गते र २०८१ फागुन २७ गते परिपक्व हुनेछन्।
यी ट्रेजरी बिल फागुन २९ गते जारी हुनेछ। यसको बोलकबोल भोलि आज फागुन २७ गते दिउँसो ३ बजे हुनेछ।
ट्रेजरी बिल १ वर्ष वा १ वर्षभन्दा कम अवधिको आन्तरिक ऋण उठाउन प्रयोग गरिने अल्पकालीन सरकारी ऋणपत्र हो। सोही प्रयोजनका लागि राष्ट्र बैंकले ट्रेजरी बिल नवीकरण गर्न लागेको हो।
