काठमाडौं । रिलायबल नेपाल लाइफ इन्स्योरेन्सको ३ लाख बढी कित्ता साधारण शेयरको लकइन अवधि आउँदो माघ मसान्तमा सकिने भएको छ।
कम्पनीले आज एक सूचना जारी गर्दै सामूहिक लगानी कोषहरुसँग रहेको ३ लाख ११ हजार १४१ कित्ता शेयरको लइकन अवधि आउँदो माघ मसान्तमा सकिने जानकारी गराएको हो।
कम्पनीले आफ्नो जारी पुँजी ४ अर्बको ३० प्रतिशतले हुन आउने १ अर्ब २० करोड रुपैयाँबराबरको साधारण शेयर निष्कासनका क्रममा सामूहिक लगानी कोषलाई ५ प्रतिशतले हुन आउने ६ लाख कित्ता शेयर बाँडफाँड गरेको थियो। नेपाल धितोपत्र बोर्डको गत मंसिर २५ गतेको निर्देशनपछि सामूहिक लगानी कोषसँग रहेको ३ लाख ११ हजार १४१ कित्ता शेयर लकइनमा राखिएको थियो।
अब उक्त शेयरको लकइन अवधि माघ मसान्त सकिने भएको छ।
