रिलायनस लाइफ इन्स्योरेन्सले बीमितहरुलाई दिने नयाँ बोनश दर घोषणा गरेको छ ।
कम्पनीले प्रतिहजार न्यूनतम ३५ रुपैयाँदेखि अधिकतम ७० रुपैयाँसम्म बोनश दर दिने घोषणा गरेको हो । बीमा समितिले असार १० गते दिएको स्वीकृती पश्चात कम्पनीले सो बोनश दर घोषणा गरेको हो ।
कम्पनीले ९ वर्षको रिलायन्स सुरक्षित जीवन बीमा योजना (सावाधिक) ३५, १० देखि १४ वर्षसम्मका लागि ३५, १५ देखि १९ वर्षे बीमा योजनाका लागि ४० र २० देखि २४ भन्दा माथिको बीमा योजनाका लागि ५० रुपैयाँ बोनस दिने भएको छ । यस्तै, २५ वा सो भन्दा माथि ७० रुपैयाँ बोनस दिने भएको छ ।
रिलायन्स सुखमय जीवन बीमा योजना (आजिवन ) ९ वर्ष सम्मका लागि ३५, १० देखि १९ सम्मका लागि ३५ रुपैयाँ बोनस दिने भएको छ । त्यसैगरी, कम्पनीले १५ देखि १९ वर्षसम्म ४० रुपैयाँ र २५ वा सो भन्दा माथि ७० रुपैयाँ दिने भएके छ ।
इन्स्योरेन्स कम्पनीले २५ वर्ष वा सोभन्दा माथि सावाधिक, सावाधिक अग्रिम तथा आजीवन र अग्रिम भुक्तानी सावाधिक बीमा योजनामा ७० रुपैयाँ बोनश दर दिने भएको छ ।
यसैगरी, कम्पनीले धन फिर्ता बीमा योजनामा १५ देखि १९ वर्षसम्म ४० रुपैयाँ र २० देखि २४ वर्ष सम्मका लागि ५० रुपैयाँ बोन दिने भएको छ ।
