काठमाडौं । नेपाल राष्ट्र बैंकले आजदेखि १७ अर्ब १० करोड बराबरको ट्रेजरी बिल बिक्रि गर्ने भएको छ । राष्ट्र बैंकको अनुसार उक्त परिमाणको ट्रेजरी बिल बोलकबोल प्रक्रियाका माध्यमबाट विक्री गर्न लागेको जनाएको छ ।
राष्ट्र बैंकका अनुसार सबै परिमाणको ट्रेजरी बिल नवीकरण गर्न लागेको जनाएको हो । जसमध्ये ५ अर्ब रुपैयाँ बराबरको ट्रेजरी बिल भने २८ दिनका लागि विक्री गरिनेछ र उक्त बिल आगामी मंसिर २३ गते परिपक्व हुनेछ । त्यस्तै, १० करोड रुपैयाँ बराबरको ट्रेजरी बिल ९१ दिनका लागि विक्री गरिने भएको छ ।
उक्त बिल आगामी माघ २७ गते परिपक्व हुनेछ । त्यस्तै १२ अर्ब रुपैयाँ बराबरको ट्रेजरी बिल भने १ सय ८२ दिनका लागि विक्री गर्न लागिएको हो ।
उक्त ट्रेजरी बिल २०७८ साल वैशाख २८ गते परिपक्व हुनेछ । बैंकले यही कात्तिक १७ गते १ अर्ब ६६ करोड रुपैयाँ बराबरको ट्रेजरी बिल विक्री गरेको थियो ।
